اقش سولتۇستىك كورەياعا قارسى سانكتسيا كولەمىن ۇلعايتتى. بۇل تۋرالى قارجى مينيسترلىگىنىڭ مالىمدەمەسىندە ايتىلعان.

جاڭا قاۋلى بويىنشا پحەنيان مەن بەيجىڭنىڭ ەكى كومپانياسىنا شەكتەۋلەر ەنگىزىلدى. سولتۇستىك كورەيا ۋاشينگتون سانكتسياسى جونىندە رەسمي مالىمدەمە جاساعان جوق.

14 قاڭتاردا اقش سولتۇستىك كورەياعا يادرولىق قارۋسىزدانۋ تۋرالى كەلىسسوزدى قايتا باستاۋدى ۇسىنعان بولاتىن. اق ءۇي باسشىسىنىڭ ۇلتتىق قاۋىپسىزدىگى جونىندەگى كەڭەسشىسى روبەرت و’برايەننىڭ ايتۋىنشا، ۋاشينگتون پحەنياندى ستوكگولمدەگى كەزدەسۋدى جالعاستىرۋعا شاقىرىپ وتىر.

2018 جىلى ماۋسىمدا سينگاپۋردا ترامپ پەن كيم اراسىندا «تاريحي سامميت» ءوتتى. كەزدەسۋدە كحدر باسشىسى يادرولىق قارۋدان باس تارتىپ، قۇراما شتاتتىڭ ەكونوميكالىق دەمەۋىن قابىل الاتىنىن ايتقان. ەكى ەل اراسىنداعى قارقىندى ديالوگتار، ديپلوماتيالىق ىشتەسۋگە قاراماستان يادرولىق قارۋسىزدان پروتسەسى العا باسپاي-اق قويعان ەدى. بىراق، اقش پرەزيدەنتى پيوڭياڭمەن مامىلەنىڭ جاقسارىپ كەلە جاتقانىن، اتالعان مىندەتتى جۇزەگە اسىرا الاتىنىن بىرنەشە رەت مالىمدەگەن بولاتىن.

"The Qazaq Times"