اقش پەن «تاليبان» كەلىسىمگە كەلدى

اقش پەن «تاليبان» قوزعالىسى كاتاردا بەيبىت كەلىسىمگە قول قويدى.

قۇجات ەرجەلەرىنە سايكەس، امەريكا 135 كۇن ىشىندە اۋعان جەرىندەگى 5 اسكەري بازاسىنان ءوز جاۋىنگەرلەرىن اكەتۋى ءتيىس. سونىمەن قاتار، كەلىسىمدە كورسەتىلگەندەي، تاراپتار تۇتقىندارمەن الماسپاق. 10 ناۋرىزعا دەيىن اقش پەن اۋعانستان 5 مىڭ تۇتقىندى بوساتسا، تالىپتەر مىڭ ادامدى تۇرمەدەن شىعارۋ ءتيىس. مامانداردىڭ ايتۋىنشا، بۇل قۇجات اۋعانستانداعى ۇزاق جىلدار بويى جالعاسىپ كەلگەن سوعىستىڭ اياقتالۋىنا العاشقى قادام.

بۇعان دەيىن اقش پرەزيدەنتى ترامپ: «ەگەر اتىستى توقتاتۋ ءبىر اپتاعا جەتپەيتىن ۋاقىتتا جۇزەگە اسسا، ارينە، مەن ءوز اتىمدى كەلىسىم پاراعىنا جازامىن. ۇيگە قايتاتىن كەز كەلدى. مەنىڭ ويىمشا، ولار (تالىپتەر) كەلىسىمگە كەلگىسى كەلەدى، ولار كۇرەسۋدەن شارشادى»، – دەگەن. ال اقش قورعانىس ءمينيسترى مارك ەسپەر امەريكا اسكەرى اۋعانستاننان تولىق شەگىنەدى دەگەندى جوققا شىعارعان، تەك اسكەر سانى قىسقارۋى مۇمكىن دەپ مالىمدەگەن بولاتىن.

"The Qazaq Times"