Foto: https://newsweek.com

AQŞ pen «Taliban» qozğalısı Katarda beybit kelisimge qol qoydı.

Qwjat erjelerine säykes, Amerika 135 kün işinde auğan jerindegi 5 äskeri bazasınan öz jauıngerlerin äketui tiis. Sonımen qatar, kelisimde körsetilgendey, taraptar twtqındarmen almaspaq. 10 naurızğa deyin AQŞ pen Auğanstan 5 mıñ twtqındı bosatsa, tälipter mıñ adamdı türmeden şığaru tiis. mamandardıñ aytuınşa, bwl qwjat Auğanstandağı wzaq jıldar boyı jalğasıp kelgen soğıstıñ ayaqtaluına alğaşqı qadam.

Bwğan deyin AQŞ prezidenti Tramp: «Eger atıstı toqtatu bir aptağa jetpeytin uaqıtta jüzege assa, ärine, men öz atımdı kelisim parağına jazamın. Üyge qaytatın kez keldi. Meniñ oyımşa, olar (tälipter) kelisimge kelgisi keledi, olar küresuden şarşadı», – degen. Al AQŞ qorğanıs ministri Mark Esper Amerika äskeri Auğanstannan tolıq şeginedi degendi joqqa şığarğan, tek äsker sanı qısqaruı mümkin dep mälimdegen bolatın.

"The Qazaq Times"