پومپەو قىتايعا قاراتا مالىمدەمە جاسادى

اقش مەملەكەتتىك حاتشىسى مايك پومپەو بارلىق مەملەكەتتەردى COVID-19 دەرتى تۋرالى شىندىق ايتۋعا جانە قىتاي باسشىلىعىن ءوز جانە شەتەل تىلشىلەرىنە جانە مەديتسينالىق قىزمەتكەرلەرگە ءوز پىكىرىن ەركىن بىلدىرۋگە رۇقسات ەتۋگە شاقىردى.

مايك پومپەو سوزىندە: «اقش-تا ىندەتتىڭ تارالۋىنا توسقاۋىل قويۋ ءۇشىن ساپارلارعا شەكتەۋ قويدىق. ۆيرۋستى جۇقتىرعان ازاماتتارىمىز، اتاپ ايتقاندا، حۋبەي پروۆينتسياسىنا ساياحاتتاعان جانە Diamond Princess كەمەسىندە بولعان ادامدار ەلگە ورالعاندا وقشاۋلانىپ، ەم قابىلداۋدا. ال ەلىمىزدەن تىس اۋماقتا مەملەكەتتىك دەپارتامەنت ۆيرۋسقا قاتىستى جاعدايدى مۇقيات باقىلاپ، وسى دەرتتەن زارداپ شەككەن ەلدەرگە كومەك كورسەتىپ جاتىر»، – دەدى.

وشاعى قىتايدان باستالىپ الەمگە تاراعان قاتەرلى كوروناۆيرۋس ىندەتىنەن 2761 كىسى كوز جۇمىپ، 80,9 مىڭ ادام جۇقتىرعان. قىتايدان تىس 38 ەلدە: فيليپپين، گونكونگ، جاپونيا، فرانتسيا، يتاليا، تايۆان، وڭتۇستىك كورەيا جانە يراندا 46 ادام ۆيرۋستان ايىعا الماي، كوز جۇمعان. سوڭعى دەرەكتەر بويىنشا 80987 ادام ينفەكتسيا جۇقتىرىپ، 1868 ناۋقاس ۆيرۋستان قايتىس بولعانى ءمالىم بولدى.

"The Qazaq Times"