اقش سولتۇستىك كورەيا مەن يرانعا قارسى جاپپاي قىرىپ-جوياتىن قارۋدى تاراتپاۋ تۋرالى زاڭدى ساقتاماعانى ءۇشىن قىتاي، يراك، رەسەيدىڭ 13 جەكە جانە زاڭدى تۇلعالارعا سانكتسيا ەنگىزدى.

اقش مەملەكەتتىك حاتشىسى مايكل پومپەو تاراتقان مالىمدەمەدە: «امەريكا قۇراما شتاتتارى قىتاي، يراك، رەسەي جانە تۇركيادان كەلگەن 13 شەتەلدىك جەكە جانە زاڭدى تۇلعالارعا سانكتسيا ەنگىزەدى. قاتاڭ قاۋلىعا قىتايدىڭ بەس كومپانياسى مەن تۇركيا ازاماتى يراننىڭ زىمىراندىق باعدارلاماسىن قولداعانى ءۇشىن ەنگىزىلدى»، — دەلىنگەن.

سانكتسيالار اقش قاۋىپسىزدىگى ءۇشىن اسا ماڭىزدى. سەبەبى، رەسەي مەن قىتاي تاراپىنان كەتكەن قاتەلىكتەر مەن استىرتىن ارەكەتتەر (ساياسي بايلانىس، حيميالىق قارۋ، حاككەرلىك شابۋىل) كوپتەگەن مەملەكەتتەردىڭ قاۋىپسىزدىگىنە نۇقسان كەلتىرىپ وتىر. وسى رەتتە امەريكا مەملەكەتتىك دەپارتامەنتىنىڭ رەسمي وكىلى حيزەر نويەت: «سانكتسيالار ناقتى ەكونوميكا مەن قاۋىپسىزدىك سالاسىنا باعىتتالعان. اقش تاراپىنان قاتاڭ قاۋلىلار رەسەي بيلىگىنە، سونداي-اق رەسەيدىڭ بۇلىكشىل ارەكەتتەرىنىڭ ورىندالۋىنا كومەكتەسكەندەرگە دە اسەر ەتەدى. ءبىز وسى سۋبەكتىلەردىڭ ءىس-ارەكەتتەرىن باقىلاۋعا الامىز»، – دەدى.

"The Qazaq Times"