بءۇگىن دەنساۋلىق ساقتاۋ ءمينيسترى ەلجان ءبىرتانوۆ 24 اقپاندا «ۆيرۋس شىققان لاينەردەگى ءتورت قازاقستاندىققا» قاتىستى جاپونيادان ەل استاناسىنا ۇشىپ كەلگەن جولاۋشىلاردان كەشىرىم سۇرادى.
بۇل جونىندە ول بۇگىن ۇكىمەت وتىرىسىنان شىققان سوڭ جۋرناليستەر سۇراعىنا جاۋابىندا ايتتى.
باس دارىگەردىڭ ايتۋىنشا، SCAT كومپانياسىنىڭ توكيودان ەلورداعا ۇشاتىن ۇشاعىندا Diamond Princess لاينەرىندە كارانتيندە بولعان ءتورت جولاۋشى بارىن مينيسترلىك باسقا جولاۋشىلارعا «ەسكەرتىپ ۇلگەرمەپتى».
– ۇشاقتا بولعان وزگە جولاۋشىلاردان كەشىرىم سۇرايمىز. جولاۋشىلاردى ۇشاققا وتىرعىزۋ تۋرالى شەشىم قابىلدانعاندا، ەسكەرتۋگە ۋاقىت بولمادى، – دەدى ول.
ءبىرتانوۆ جاپونيا جاعالاۋىندا كارانتيندە تۇرعان Diamond Princess لاينەرىندە بولعان قازاقستاننىڭ ءتورت ازاماتىنىڭ قولىندا «دەنساۋلىعى جاقسى» دەگەن مەديتسينالىق انىقتاماسى بولعانىن، سوندىقتان جاپونيا تارابى ولاردىڭ ۇشاققا وتىرۋىنا كەدەرگى جاساماعانىن ايتتى.
«ءتورت ادامعا تاعى ءۇش ءتۇرلى تەست جاسالادى. بۇل جايلى قوسىمشا مالىمەت بەرەمىز» دەدى مينيستر.
24 اقپان تۇندە جاپونيادان نۇر-سۇلتانعا كەلگەن اۋە رەيسىندە 20 ادام بولعان. تورتەۋى Diamond Princess لاينەرىندە بولعاندار، 8-ءى ەكيپاج مۇشەسى، 8-ءى وزگە جولاۋشى. ءمينيستردىڭ سوزىنشە، بارلىعى كارانتينگە جاتقىزىلعان.
20 قاڭتاردا جاپونيانىڭ يوكوگاما قالاسىنان تەڭىزگە ساياحاتقا شىعىپ، اقپاننىڭ باسىندا كوروناۆيرۋسقا بايلانىستى پورتقا ورالعان، 3700 جولاۋشىسى بار Diamond Princess كەمەسى اقپاننىڭ 19-ىنا دەيىن كارانتيندە تۇرعان. كەمەدە 350-دەن استام ادامنىڭ كورونوۆيرۋس جۇقتىرعانى انىقتالعان.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
