ەۋروپالىق وداق COVID-19 كوروناۆيرۋسىنىڭ ورشۋىنە قارسى كۇرەسكە 232 ملن ەۋرو ءبولۋ تۋرالى شەشىمگە كەلدى.

جيىندا ەۋروكوميسسيا باسشىسى ۋرسۋلا فون دەر ليايەن: «ۆيرۋستى جۇقتىرعاندار سانىنىڭ ارتۋىنا بايلانىستى قوعامدىق دەنساۋلىق ساقتاۋ ءبىرىنشى كەزەكتەگى باسىمدىققا يە بولادى. ەۋروپاداعى، قىتايداعى نەمەسە باسقا ەلدەردەگى دايىندىقتى ارتىرۋدا حالىقارالىق قاۋىمداستىق بىرگە جۇمىس ىستەۋى كەرەك»، — دەدى.

رەسمي مالىمەتتەر بويىنشا، ەۋروپالىق وداق بوگەن قاراجاتتىڭ 3 ملن ەۋروسى قىتايدىڭ ۋحان قالاسىنان ەۋروپالىق وداق مەملەكەتتەرىنىڭ ازاماتتارىن قايتارۋعا باعىتتالعان. ەۋروكوميسسيا ەو ەلدەرىنىڭ رەپاترياتسياعا ارنالعان كولىك شىعىندارىنىڭ 75% جابادى; 114 ملن ەۋروسى – ددۇ شارالارىن قولداۋعا، 15 ملن ەۋروسى – افريكاداعى سەرىكتەس ەلدەرگە، 90 ملن ەۋروسى – فارماتسەۆتىك كومپانيالارعا جانە 10 ملن ەۋرو ەپيدەميولوگيا، دياگنوستيكا جانە تەراپيا سالالارىنداعى زەرتتەۋگە بولىنبەك.

ايتا كەتەيىك، وشاعى قىتايدان باستالىپ الەمگە تاراعان قاتەرلى كوروناۆيرۋس ىندەتىنەن 2619 كىسى كوز جۇمىپ، 79,3 مىڭ ادام جۇقتىرعان. قىتايدان تىس جەردە: فيليپپين، گونكونگ، جاپونيا، فرانتسيا، يتاليا، تايۆان، وڭتۇستىك كورەيا جانە يراندا 27 ادام ۆيرۋستان ايىعا الماي، كوز جۇمعان. بۇگىن بەلگىلى بولعان دەرەككە سايكەس، 79 341 ادام ينفەكتسيا جۇقتىرىپ، 1868 ناۋقاس ۆيرۋستان قايتىس بولعانىن حابارلاندى.

"The Qazaq Times"