كوروناۆيرۋس تاراعان لاينەر ەكيپاجدارى ەۆاكۋاتسيالانىپ جاتىر. جولاۋشىلار قاتارىندا قازاقستاندىقتار دا بار.
5 اقپاندا جاپونيا جاعالاۋىندا كرۋيزدىك لاينەردىڭ كارانتينگە قويىلعانى حابارلاندى. سەبەبى ءبىر ادامنىڭ كوروناۆيرۋس جۇقتىرعانى انىقتالدى.
لاينەردەگى جولاۋشىنىڭ جالپى سانى – 3 700 ادام. ءۇش كۇننەن كەيىن ۆيرۋس جۇقتىرعاندار سانى 70-كە جەتتى، ال 10 اقپاندا 130 ادامنىڭ اۋىرىپ قالعانى بەلگىلى بولدى.
جاپونيانىڭ دەنساۋلىق ساقتاۋ مينيسترلىگى 12 اقپاندا تاعى دا 39 ادامنىڭ اۋرۋعا شالدىققانىن حابارلادى. سوڭعى دەرەكتەرگە سايكەس، كرۋيزدىك لاينەردە 455 ادام ىندەتكە شالدىققان.
دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس جۇقتىرعاندار ىشىندە قازاقستاندىقتاردىڭ جوق ەكەنىن ايتتى. سىرتقى ىستەر ءمينيسترى مۇحتار تىلەۋبەردى لاينەردە 4 ازاماتىمىزدىڭ بار ەكەنىن حابارلادى. قازىرگى ۋاقىتتا كەمەدە بولعان ءتورت قازاقستاندىق ەلگە ورالعان.
ايتا كەتەيىك، وشاعى قىتايدان باستالىپ الەمگە تاراعان قاتەرلى كوروناۆيرۋس ىندەتىنەن 2619 كىسى كوز جۇمىپ، 79,3 مىڭ ادام جۇقتىرعان. قىتايدان تىس جەردە: فيليپپين، گونكونگ، جاپونيا، فرانتسيا، يتاليا، تايۆان، وڭتۇستىك كورەيا جانە يراندا 27 ادام ۆيرۋستان ايىعا الماي، كوز جۇمعان. بۇگىن بەلگىلى بولعان دەرەككە سايكەس، 79 341 ادام ينفەكتسيا جۇقتىرىپ، 1868 ناۋقاس ۆيرۋستان قايتىس بولعانىن حابارلاندى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟