دجۋليان اسسانج رەسەيدىڭ اقش دەموكراتيالىق پارتياسىنىڭ سەرۆەرلەرىن بۇزۋعا قاتىسى جوق ەكەنىن ايتسا، راقىمشىلىق جاسالادى. بۇل تۋرالى اق ءۇي باسشىسى دونالد ترامپ مالىمدەدى.
ۇسىنىستى اق ءۇي باسشىسى اتىنان امەريكالىق كونگرەسسمەن دانا روراباحەر جاساعان. الايدا رەسمي ۋاشينگتون بۇل تۋرالى ەشنارسە بىلمەيتىنىن جەتكىزدى.
بىلتىر مامىردا اقش بيلىگى اسسانجعا 17 باپ بويىنشا ايىپ تاققان. ونىڭ ىشىندە تىڭشىلىق جاسادى جانە قۇپيا اقپاراتتاردى جاريا ەتتى دەگەن ايىپتار بار.
2010 جىلى اسسانجعا شۆەتسيادا زورلىق-زومبىلىق جاسادى دەگەن ايىپ تاعىلعان. ول 2012 جىلدان بەرى ەكۆادوردىڭ ۇلىبريتانياداعى ەلشىلىگىندە جاسىرىنعان. ونى بريتانيا بيلىگى 2019 جىلدىڭ 11-ءشى ساۋىرىندە شۆەتسيا مەن اقش-تىڭ ءوتىنىشى بويىنشا قاماۋعا العان. مامىر ايىنىڭ 2-ءى كۇنى لوندون سوتى اقش-قا دجۋليان اسسانجعا تاعىلعان ايىپتاردى دالەلدەۋگە 65 كۇن ۋاقىت بەرگەن.
48 جاستاعى دجۋليان اسسانج اۋستراليا ازاماتى. ول Wikileaks سايتى ارقىلى اسا قۇپيا سانالاتىن 500 مىڭنان استام قۇجاتتىڭ ەلەكتروندى نۇسقاسىن جاريالاعان. بۇل قۇجاتتار اراسىندا الەم ەلدەرى ليدەرلەرىنىڭ قۇپيا سويلەسۋلەرى، مەملەكەتتەردىڭ قۇپيا جوسپارلارىنان تارتىپ، قارجى جىمقىرۋ، ءىرى سىبايلاس جەمقورلىق قىلمىستارىنىڭ مالىمەتتەرى دە بار. ارينە، وندا قازاقستانعا قاتىستى دا كوپتەگەن قۇپيا قۇجاتتار بولعان. دجۋليان اسسانج 7 جىل بۇرىن شۆەتسياعا ەكستراديتسيادان قاشىپ بارىپ باس ساۋعالاعان بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر