ۇلىبريتانيا پارلامەنتى 21 ساۋىردە جۇمىسىن قايتا باستايدى. بىراق قاشىقتان جۇمىس ىستەيدى، دەپ حابارلايدى ۆۆس.

قاۋىمدار پالاتاسىنىڭ وكىلى دجەيكوب ريس-موگتىڭ ايتۋىنشا، پارلامەنت ماڭىزدى كونستيتۋتسيالىق فۋنكتسيالاردى، ۇكىمەتتىڭ جۇمىسىن قاداعالاپ، شىعىنداردى ەسەپتەپ، زاڭداردى قابىلداۋى كەرەك. پارلامەنتتىك كوميتەتتەر تەلەكوممۋنيكاتسيانىڭ كۇشىن پايدالانىپ وتىر. «كەلەسى اپتادا پارلامەنت سپيكەرى، ۇكىمەت مۇشەلەرى جانە وتىرىسىڭ باسقا سپيكەرلەرى باس قوسىپ، كەزەك كۇتتىرمەيتىن ماسەلەلەردى تالقىلايدى»، — دەدى دجەيكوب رايس-موگگ.

بۇعان دەيىن بىرىككەن كورولدىك پرەمەر-ءمينيسترى بوريس دجونسوننان كوروناۆيرۋس انىقتالىپ، اۋرۋحاناعا جاتقىزىلعان بولاتىن. قازىر شەنەۋنىكتىڭ جاعدايى بىرقالىپتى، قاۋىپ سەيىلگەن.

كوروناۆيرۋس پاندەمياسىنىڭ ورشۋىنە بايلانىستى بريتان پارلامەنتى 25 ناۋرىزدان مەرزىمىنەن بۇرىن دەمالىس جاريالاعان. ۇلىبريتانيا دەنساۋلىق ساقتاۋ مينيسترلىگى تاراتقان مالىمەتتەرگە سۇيەنسەك، ەلدە 79 مىڭنان استام ادام كوروناۆيرۋس جۇقتىرعان. ءولىم-ءجىتىم سانى 10 مىڭعا جەتتى.

"The Qazaq Times"