فوتو: https://nehabar.kz

قازاقستاندا 18,63 ملن ادام بار، دەپ حابارلادى finprom.kz.

بۇل كورسەتكىش وتكەن جىلدىڭ العاشقى ايىنداعى مالىمەتتەرمەن سالىستىرعاندا 1,3%-عا نەمەسە 236,6 مىڭ ادامعا كوپ.

بىلتىرعىمەن سالىستىرعاندا قازاقستانداعى قالا تۇرعىندارىنىڭ سانى 1,8%-عا، اۋىل تۇرعىندارى 0,5%-عا كوبەيگەن. قازاقستانداعى قالا تۇرعىندارىنىڭ ۇلەسى 58,5%-دى قۇرايدى.

تۇرعىندار سانىنىڭ ارتۋى ەكى قالادا جوعارى دەڭگەيدە بايقالادى: استانا (+5,3%) جانە الماتى (+3,3%). ال حالىق سانىنىڭ تومەندەۋى التى ايماقتا تىركەلدى: سولتۇستىك قازاقستان (−1%), شىعىس قازاقستان (−0,6%), قوستاناي (−0,5%), اقمولا (−0,3%), پاۆلودار (−0, 2%) جانە قاراعاندى ​​(−0,1%) وبلىستارى. قالا تۇرعىندارىنىڭ سانىنىڭ تومەندەۋى تەك ءۇش وبلىستا بايقالدى: الماتى (−1,3%), پاۆلودار (−0,2%) جانە اقمولا (−0,05%).

اۋىل تۇرعىندارىنىڭ سانى 0,5%عا ارتىپ، 7,74 ميلليون ادامعا جەتتى. بۇل قازاقستان حالقىنىڭ 41,5%-ىن قۇرايدى.

"The Qazaq Times"