كورنەكى كوللاج. فوتو: اشىق دەرەككوز

قىتايدىڭ قارجى مينيسترلىگى اتىشۋلى كوروناۆيرۋستى توقتاتۋعا 3,9 ميلليارد دوللار قاراجات ءبولدى.

قاڭتاردىڭ 29-ى قاتەرلى دەرت وشاعىنا اينالعان قىتايدىڭ قارجى ينستيتۋتى ۆيرۋستىڭ تارالۋىن بولدىرماۋعا جانە باقىلاۋعا 27,3 ميلليارد يۋان ءبولدى. قاراجاتتى ءبولۋ قكپ ورتالىق كوميتەتىنىڭ (قىتاي كوممۋنيستىك پارتياسى) جانە مەملەكەتتىك كەڭەستىڭ ستراتەگياسىنا سايكەس جۇزەگە اسىرىلعان دەسەدى.

بۇگىن، 30 قاڭتاردا قىتايدىڭ دەنساۋلىق ساقتاۋ باسقارماسى كوروناۆيرۋستى ءولىم مەن ينفەكتسيالار سانى تۋرالى مالىمەتتى جاڭارتتى. قايتىس بولعاندار سانى – 170 ادام جانە 7 711 اۋرۋدى جۇقتىرعان، ولاردىڭ 30-دان كوبىنىڭ جاعدايى اۋىر.

دەيتۇرعانمەن بەيرەسمي دەرەكتەر قىتايدا وسى ىندەتتى جۇقتىرعاندار مەن قايتىس بولعاندار بۇدان الدە قايدا كوپ دەگەندى ايتادى.

كەيىننەن قىتايدىڭ باسقا قالالارىندا، سونداي-اق جاپونيا، تايلاند، وڭتۇستىك كورەيا، اقش، فرانتسيا، گەرمانيا، فينليانديا جانە باسقا ەلدەردىڭ ازاماتتارى كوروناۆيرۋس جۇقتىرعانى بەلگىلى بولدى.

قازاقستان كوروناۆيرۋسپەن اۋىراتىن ناۋقاستارعا دەربەس دياگنوز قويادى. مۇنداي زەرتحانالار دەنساۋلىق ساقتاۋ جۇيەسىندە – الماتى مەن استانادا ورنالاسقان.

"The Qazaq Times"