قازاقستاندا ۆاليۋتا ايىرباستاۋ تالاپتارى كۇشەيتىلمەك

1 اقپاننان باستاپ اقشا ايىرباستاۋ تالاپتارى كۇشەيتىلمەك. بۇل تۋرالى قازاقستان قارجىگەرلەرى قاۋىمداستىعى حابارلادى.

ەندى اقشا ايىرباستايتىن كەزدە مەكەن-جاي ەمەس، جەكە كۋالىك سۇرالاتىن بولادى. ساراپشىلاردىڭ ايتۋىنشا، بۇل وزگەرىستەر ارقىلى اقشا ايىرباستاۋ پۋنكتەرىنىڭ جارعىلىق كاپيتالى ارتادى جانە قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋدىڭ الدىن اۋلۋعا باعىتتالعان.

قازاقستان قارجىگەرلەرى قاۋىمداستىعىنىڭ باسقارۋشى ديرەكتورى ءلاززات ۇسەنبەكوۆا: «ۆاليۋتانى ايىرباستاعان كەزدە ۆاليۋتانىڭ قۇنى ايىرباستاۋ پۋنكتەرىندە قازاقستان قور بيرجاسىنىڭ كۋرسىنا بايلانىستى نەگىزدەلەدى. ال قازاقستان قور بيرجاسىنىڭ ساۋداسى كۇندىزگى ۋاقىتتا جۇرگىزىلەدى. سوڭعى ساۋدا ساعات 17:00-دە بىتەدى. ال بۇرىنعىداي تۇنىمەن جاساي بەرسە، ايىرباستاۋدى ەرتەڭىنە قازاقستان قور بيرجاسىنىڭ ءبىرىنشى ساۋداسى اشىلىپ، جابىلعاننان كەيىن كۋرس مۇلدەم باسقا بولىپ وزگەرىپ كەتۋى مۇمكىن»، – دەيدى.

سونىمەن قاتار، جاڭا زاڭ بويىنشا ايىرباس پۋنكتەرى تاڭعى توعىز بەن كەشكى سەگىز ارالىعىندا جۇمىس ىستەيدى.

"The Qazaq Times"