Фото: https://vlast.kz

1 ақпаннан бастап ақша айырбастау талаптары күшейтілмек. Бұл туралы Қазақстан қаржыгерлері қауымдастығы хабарлады.

Енді ақша айырбастайтын кезде мекен-жай емес, жеке куәлік сұралатын болады. Сарапшылардың айтуынша, бұл өзгерістер арқылы ақша айырбастау пунктерінің жарғылық капиталы артады және қылмыстық жолмен алынған кірістерді заңдастыруға және терроризмді қаржыландырудың алдын аулуға бағытталған.

Қазақстан қаржыгерлері қауымдастығының басқарушы директоры Ләззат Үсенбекова: «Валютаны айырбастаған кезде валютаның құны айырбастау пунктерінде Қазақстан қор биржасының курсына байланысты негізделеді. Ал Қазақстан қор биржасының саудасы күндізгі уақытта жүргізіледі. Соңғы сауда сағат 17:00-де бітеді. Ал бұрынғыдай түнімен жасай берсе, айырбастауды ертеңіне Қазақстан қор биржасының бірінші саудасы ашылып, жабылғаннан кейін курс мүлдем басқа болып өзгеріп кетуі мүмкін», – дейді.

Сонымен қатар, жаңа заң бойынша айырбас пунктері таңғы тоғыз бен кешкі сегіз аралығында жұмыс істейді.

"The Qazaq Times"