قازاقستان پرەزيدەنتى قاسىم-جومارت توقاەۆ بىرىككەن اراب امىرلىكتەرىنە رەسمي ساپارمەن باردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلادى.
جوسپار بويىنشا، ەل پرەزيدەنتى ابۋ-ءدابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسىپ، ەكىجاقتى ىنتىماقتاستىق ماسەلەسن تالقىلاماق.
ساپار بارىسىندا ءباا ىسكەرلىك توپتارىنىڭ وكىلدەرىمەن دوڭگەلەك ۇستەل وتكىزۋ جوسپارلانعان. قاسىم-جومارت توقاەۆ 28 قاڭتاردا دۋبايدا بىرىككەن اراب امىرلىكتەرىنىڭ ۆيتسە-پرەزيدەنتى، پرەمەر-ءمينيسترى، دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەسەدى، سونداي-اق، دۋباي حالىقارالىق قارجى ورتالىعىنا (DIFC) بارادى.
2018 جىلى ءباا مەن قازاقستاننىڭ ساۋدا اينالىمى 490 ملن اقش دوللارىن قۇراسا، 2019 جىلدىڭ قاڭتار-قاراشا ارالىعىندا 500 ملن اقش دوللارىنان اسقان. سونىمەن قاتار، ەكى ەل اراسىندا قول قويىلعان ينۆەستيتسيالاردى ىنتالاندىرۋ جانە ءوزارا قورعاۋ تۋرالى كەلىسىمنىڭ ارقاسىندا ينۆەستورلار ۇزاق مەرزىمدى تۇراقتىلىقپەن قامتاماسىز ەتىلدى. وسى ۋاقىتقا دەيىن ەلىمىزدىڭ ەكونوميكاسىنا امىرلىكتەردەن تارتىلعان تىكەلەي ينۆەستيتسيالار كولەمى 2,1 ملرد اقش دوللاردان استى. وسى جىلدىڭ ماۋسىم-شىلدە ايلارىندا قۇرىلىسى تولىعىمەن اياقتالاتىن «ءابۋ دابي پلازا» كوپفۋنكتسيونالدىق كەشەنى جوباسىنا ءامىرلىكتەر تاراپى 1,2 ملرد اقش دوللارىنان استام ينۆەستيتسيا سالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟