امەريكالىق Boeing اۆياكومپانياسىنىڭ باسشىسى دەننيس مەلەنبەرگ كومپانيا جاساعان ۇشاقتارداعى كەمشىلىككە بايلانىستى داۋ-دامايدان سوڭ قىزمەتىنەن كەتتى. كومپانيانىڭ جاڭا باس ديرەكتورى بولىپ باسقارما باسشىسى دەۆيد كەلحۋن تاعايىندالدى. بۇل تۋرالى ۆۆس حابارلادى.
Boeing ديرەكتورلار كەڭەسىنىڭ مالىمدەۋىنشە، اباسشىلىقتى اۋىستىرۋ كومپانياعا دەگەن سەنىمدى قالپىنا كەلتىرۋدەگى قادام بولعان، ونىڭ ماقساتى «737 MAX-تى ۇشۋعا قاۋىپسىز ەتىپ قايتارۋ».
اقش ازاماتتىق اۆياتسيا فەدەرالدىق باسقارماسىنىڭ مالىمەتىنشە، الەم بويىنشا Boeing-قا تيەسىلى 312 ۇشاقتىڭ الدىڭعى قانات تۇستارىندا اقاۋ بار. 2018 جىلى قازاندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى.
بيىل 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان بولاتىن. اراعا ساناۋلى كۇندەر سالىپ، امەريكانىڭ دجەكسونۆيلل قالاسىنداعى وزەنگە Boeing 737 جولاۋشىلار ۇشاعى قۇلادى. وسى وقيعادان كەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى. سونىمەن قاتار، جاقىندا ۋفا قالاسىندا ءدال وسى Boeing 737 NG ۇشاعى كوككە كوتەرىلمەي قالعان. بورتىندا 123 جولاۋشىسى بولعان اۋە كەمەسى ەندى ۇشۋعا تالپىنعاندا، قانات تۇسىندا دابىل قاققىش ىسكە قوسىلعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟