تۇركيا پرەزيدەنتى رەجەپ تايىپ ەردوعان. فوتو: https://s4.reutersmedia

تۇركيا پرەزيدەنتى رەجەپ تايىپ ەردوعان ليۆياعا اسكەر اتتاندىرماق.

ەردوعان تۇركيانىڭ وڭتۇستىگىندە تۇراقتىلىقتى ساقتاۋ ءۇشىن ساياسي جانە اسكەري كۇشتىڭ بارلىق ءتۇرىن پايدالاناتىنىن ايتىپ، توعىز اي بويىنا ۇرىس قيمىلدارى جالعاسىپ كەلە جاتقان ليۆيا ماسەلەسىنە ارالاسۋىن توقتاتپايتىنىن ايتتى. وسى اپتادا ترامپ پەن ەردوعان ءسۇريا مەن ليۆياداعى جاعدايدى، سونداي-اق يرانداعى قاقتىعىستاردى تالقىلاعان بولاتىن.

12 قاڭتاردا ليۆيادا رەسەي مەن تۇركيا پرەزيدەنتتەرى ۇسىنعان باستامانىڭ شەڭبەرىندە تريپوليدەگى ۇلتتىق كەلىسىم جانە فەلدمارشال حاليفا حافتار باسقاراتىن ليۆيا ۇلتتىق ارمياسى اراسىنداعى كوفليكتتى توقتاتۋ رەجيمى كۇشىنە ەندى. 13 قاڭتاردا ماسكەۋدە ەكى ەل وكىلدەرى رەسمي كەزدەسۋ وتكىزىپ، ليۆيادا بەيبىت جاعداي رەجيمىن ورناتۋ تۋرالى كەلىسىمگە قول قويدى. بىراق، فەلدمارشال حاليفا حافتار ەشقانداي كەلىسىمگە قول قويماستان ماسكەۋدەن كەتىپ قالعان.

14 قاڭتارعا قاراعان ءتۇنى حافتار ءتريپوليدىڭ وڭتۇستىگىندە قاقتىعىستاردىڭ قايتا جانداناتىت تۋرالى مالىمدەمە جاسادى. سول سەبەپتى تۇركيا مەن رەسەيدىڭ ليۆياداعى جاعدايدى تۇراقتاندىرۋعا باعىتتالعان قادامى ءساتسىز بوپ تۇر.

جاقىندا ليۆيا قاقتىعىسىنا بايلانىستى بەرلين ءسامميتى وتەدى. وندا گەرمانيا، رەسەي، ۇلىبريتانيا مەن يتاليا پرەزيدەنتتەرى باس قوسپاق.

"The Qazaq Times"