اقش جاپونيانىڭ وكيناۆا ارالىنا WC-135W Constant Phoenix راديوتەحنيكالىق قامتاماسىز ەتۋ ۇشاعىن جىبەردى. بۇل تۋرالى Aircraft Spots سەرۆيسى حابارلادى.
ۇشاق يادرولىق قارۋ سىناقتارىنان تۋىنداعان زياندى انىقتاۋعا ارنالعان. امەريكانىڭ بۇل قادامى جاپونيانى كورەيا تۇبەگىندەگى شيەلەنىستىڭ الدىن الۋ جانە كحدر ارەكەتىن باقىلاۋدى ماقسات ەتەدى. 1986 جىلى وسى ۇلگىدەگى ۇشاق چەرنوبىل اەس اپاتىنان كەيىن اتموسفەرانى باقىلاۋ ءۇشىن ەۋروپاعا جىبەرىلگەن.
بىلتىر سولتۇستىك كورەيا جاپون تەڭىزىنە قاراي بىرنەشە مارتە زىمىرا ۇشىرعان. 2018 جىلى سينگاپۋردە العاش رەت اقش پەن سولتۇستىك كورەيا باسشىلارىنىڭ ءسامميتى وتكەن بولاتىن. اقش پرەزيدەنتى دونالد ترامپ پەن سولتۇستىك كورەيا باسشىسى كيم جوڭ ىن كەلىسسوزدەر قورىتىندىسى بويىنشا ورتاق قۇجاتقا قول قويدى. وندا پيوڭياڭ كورەي تۇبەگىن يادرولىق قارۋدان تولىق بوساتۋعا دايىن ەكەنىن حابارلاپ، ال اقش وعان قاۋىپسىزدىككە كەپىلدىك بەرۋە مىندەتتەلگەن بولاتىن. سامميت قورىتىندىسى بويىنشا يادرولىق قارۋدان باس تارتۋعا شەشىم شىعارىلىپ، قوس تاراپتىڭ باقىلاۋشىلارى كحدر-ءدىڭ يادرولىق باعدارلامادان باس تارتۋ تۋرالى كەلىسىمىن قاداعالاۋى قاجەت. الايدا، امەريكالىق بارلاۋ قوس ەل باسشىسى اراسىندا ۋاعدالاستىق بولعانىنا قاراماستان، كحدر يادرولىق قارۋ جاساۋدى ءالى جالعاستىرۋدا دەپ حابارلاعان ەدى. ال سولتۇستىك كورەيا تاراپى اقش پەن وڭتۇستىك كورەيانى كورەي تۇبەگىندەگى شيەلەنىستى باسەڭسىتەتىن كەلىسىمدى بۇزىپ، قايتادان اسكەري جاتتىعۋ وتكىزىپ جاتىر دەپ ايىپتاعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى