سولتۇستىك كورەيا جاڭا يادرولىق سىناققا دايىندالۋدا

امەريكالىق ساراپشىلار سولتۇستىك كورەيانىڭ جاڭا يادرولىق سىناققا دايىندالىپ جاتقانى تۋرالى مالىمدەدى. سونىمەن قاتار اقش پرەزيدەنتى دونالد ترامپ كەلەسى ايدا قحر توراعاسى شي جينپينمەن كەلىسسوز وتكىزۋگە ازىرلەنىپ جاتقانى دا بەلگىلى بولدى. بۇل كەزدەسۋدە سولتۇستىك كورەيا يادرولىق ماسەلەسى باستى نازاردا ۇستالادى دەپ كۇتىلۋدە. بۇل تۋرالى تانىمال “The Wall Street Journal” باسىلىمى حابارلايدى.

اقش ساراپشىلارى سپۋتنيكتىك باقىلاۋ ارقىلى تۇسىرىلگەن سۋرەتتەرگە تالداۋ جاساپ، سولتۇستىك كورەيا سولتۇستىك شىعىسى وڭىرىندە جاڭا يادرولىق سىناققا ازىرلەنىپ جاتقانىن ءمالىم ەتتى. وسى اۋماقتا بۇدان بۇرىن دا يادرولىق سىناقتار جۇرگىزىلگەن بولاتىن. جوزەف بەرمۋدەس جانە جەك ليۋ قاتارلى سولتۇستىك كورەيا ماسەلەسىنىڭ ساراپشىلارىنىڭ ايتۋىنا قاراعاندا،  ولار 25 ناۋرىزدا جاساندى سەرىكتەن (سپۋتنيك) تۇسىرىلگەن سۋرەتتەرگە تالداۋ جاساعان. ناتيجەسىندە سولتۇستىك كورەياداعى جەر استى سىناق پوليگوندارىنىڭ ءبىرىنىڭ كىرەر اۋىزى، اينالاسى تۇگەل اسفالتتالعانىن، سۋلار قۇرعاتىلىپ، ماڭىندا بەلسەندى ارەكەتتەر جاسالىپ جاتقانىن بايقاعان. ەكى ساراپشى بۇل جەر استى سىناق پوليگوندى كەلەسى يادرولىق سىناققا دايىنداپ جاتقانىن كورسەتەدى.

كورەي تۇبەگىندەگى جاعداي جانامالاي اقش پەن قىتاي، رەسەي سىندى الپاۋىتتار اراسىنداعى تەكە-تىرەس بولعانىمەن، نەگىزگى قورعاۋشىسى سولتۇستىك كورەيانىڭ يادرولىق قارۋدى دامىتۋداعى باتىل ارەكەتتەرى. ترامپتىڭ بيلىككە كەلۋى مەن كورەي تۇبەگى ماسەلەسى ءتىپتى ۋشىعا ءتۇستى. كحدر «ساد» جۇيەسى ىسكە قوسىلۋدان بۇرىن، اقش-تى دەگەنىنە كوندىرەتىن قۋاتتى قارۋ مەن ءونىمدى تاسىمالداۋشى زىمىرانداردىڭ سىناعىندا تابىسقا جەتۋگە تىرىسۋدا.

“The Qazaq Times”