بۇۇ باس حاتشىسى انتونيۋ گۋتەرريش. فوتو: https://cdnimg.rg

بۇۇ سوڭعى ونجىلدىقتا ءىرى قارجىلىق داعدارىسقا ۇشىرادى. بۇل تۋرالى ۆۆس حابارلادى.

سول سەبەپتى بۇۇ-عا مۇشە ليۆان، ۆەنەسۋەلا، ورتالىقافريكالىق گامبيا، لەسوتو، تونگا جانە يەمەن سياقتى بارلىعى 7 مەملەكەت ۇيىمنىڭ بيۋدجەتىنە تولەنەتىن جارنا تولەمەۋى سەبەپتى باس اسسامبلەيادا داۋىس بەرۋ قۇقىعىنان ۋاقىتشا ايىرىلدى.

بۇۇ جارعىسىنىڭ 19 بابىنا سايكەس، ۇيىمعا ەكى جىلدان استام ۋاقىت كولەمىندە قارىحىن تولەمەگەن مەملەكەت بۇۇ باس اسسامبلەياسىندا داۋىس بەرۋ قۇقىنان ايىرىلادى. وتكەن جىلى بۇۇ-عا مۇشە 193 مەملەكەتتىڭ 146-سى ۇيىمعا جارنالارىن تولىق تولەگەن. ۇيىمعا مۇشە 47 مەملەكەت تولەمەگەن.

بۇۇ-نىڭ بىتىمگەرلىك وپەراتسيالارى ءۇشىن بيۋدجەت بولەك قۇرالادى. بيىل ونىڭ كولەمى 6,7 ميلليارد دوللار بولسا، كەلەر جىلعا 6,5 ميلليارد دەپ بەكىتىلگەن. الايدا، ۇيىمنىڭ 3,3 ميلليارد دوللار بولاتىن بيۋدجەتىنىڭ 2 ميللياردى عانا جينالعان. سەبەبى، ۇيىمعا مۇشە كەي ەلدەر ءتيىستى جارنانى اۋدارماعاندىقتان، قاجەتتى قارجى قورى جينالماعان. سالدارىنان 44 مىڭ قىزمەتكەردىڭ جالاقىسىن تولەۋ قيىنداي تۇسكەن.

مالىمەتتەر بويىنشا، بۇگىنگى تاڭدا ۇيىمعا مۇشە 193 مەملەكەتتىڭ 129-ى عانا ءتيىستى جارنانى تولەگەن. وسى رەتتە ۇيىمعا باستى بورىشكەرلەردىڭ ءبىرى — قۇراما شتاتتارى. قازىر اقش-تىڭ ۇلەسى بىتىمگەرلەر قىزمەتىنىڭ جالپى بيۋدجەتىنىڭ 28%-ى. ۋاشينگتون وتكەن جىلى 380 ميلليون دوللار تولەمەسە، بيىل ونىڭ ۇيىمعا قارىزى 670 ميلليون دوللارعا جەتكەن. اقش پرەزيدەنتى دونالد ترامپ امەريكا جارناسىنىڭ تىم ۇلكەن ەكەنىن ايتىپ، ونى رەفورمالاۋدى ۇسىنىپ وتىر.

"The Qazaq Times"