يران ءسىم باسشىسى تەھرانداعى ۇشاق اپاتىنىڭ سەبەبى اقش-تىڭ «ءاۆانتيۋريزمى» سالدارىنان جاسالعان قاتەلىك ەكەنىن ايتتى. ياعني يران بيلىگى ۋكراينالىق ۇشاقتىڭ بايقاۋسىزدا اتىپ تۇسىرىلگەنىن مالىمدەدى. بۇل تۋرالى «ءال-جازيرا» اقپارات اگەنتتىگى يران بيلىگىنىڭ رەسمي مالىمدەمەسىنە سىلتەمە جاساپ حابارلادى.
بەلگىلى بولعانداي، قايعىلى جاعدايعا «ادامي فاكتور» سەبەپ بولعاندىعى ايتىلادى. شەتەلدىك باق بۇل جاعدايدى «كاتاستروفالىق قاتەلىك» دەپ باعالاپ وتىر. وسىعان دەيىن اپات سەبەبى جونىندە ءتورت بولجام بولعان: زىمىرانمەن اتىپ ءتۇسىرۋ، بورت ىشىندەگى تەراكت، ۇشاق موتورىنىڭ جانۋى نەمەسە ۇشقىشسىز ۇشاقپەن سوقتىعىسۋ.
امەريكا، كانادا جانە ۋكراينا لاينەرگە يران زىمىرانى ابايسىزدا تيگەن بولۋى مۇمكىن دەگەن. اقش پرەزيدەنتى دونالد ترامپ ۇشا اپاتى تەحنيكالىق اقاۋدان بولدى دەگەنگە كۇدىكپەن قاراعان. ترامپ: «مەنىڭ ءوز بولجامىم بار. بۇل ورنى تولماس ۇلكەن قايعى. ۇشاق قاۋىپتى ايماقتا كەتىپ بارا جاتقان. كەيبىرەۋلەر اپاتقا تەحنيكالىق اقاۋ سەبەپ دەيدى. بىراق مەن بۇل پىكىرمەن كەلىسپەيمىن. بارلىعىنا كوز جەتكىزۋ ءۇشىن يران تاراپى Boeing-ءتىڭ قارا جاشىكتەرىن وقۋدى وزگە ەلدەرگە بەرۋ كەرەك. مىسالى، فرانتسيالىق نەمەسە كانادالىق مامانداردىڭ كومەگىنە سۇيەنۋ كەرەك»، – دەپ مالىمدەگەن بولاتىن. الايدا قارا جاشىك بۇلىنگەن.
8 قاڭتاردا تەھرانداعى حالىقارالىق اۋەجايدان كيەۆكە ۇشىپ شىققان «ۋكراينانىڭ حالىقارالىق اۋە جەلىسى» كومپانياسىنا تيەسىلى «Boeing-737-800» ۇشاعى قۇلادى. ۇشاقتا بولعان 176 ادام: 167 جولاۋشى جانە 9 ەكيپاج مۇشەسىنىڭ ءبارى قازا بولدى. ءدال سول كۇنى بىرنەشە ساعات بۇرىن يران اقش-تىڭ يراكتاعى اسكەري بازالارىن زىمىرانمەن اتقىلاعان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى