قىتاي اسكەري-اۋە كۇشتەرىنە تيەسىلى Y-8 دەپ اتالاتىن سۇڭگۋىر كەمەلەرگە قارسى ارنايى ۇشاعى وڭتۇستىك قىتاي تەڭىزىنە قۇلاعان. قىتاي جاعى اسكەري جاتتىعۋ دەگەن اتپەن ىزدەستىرۋ-قۇتقارۋ ارەكەتتەرىن وتكىزگەن.
اتالعان مالىمەت الدىمەن تايۋان (تايۆان) رەسميلەرى جاعىنان ايتىلدى. بەيسەنبى كۇىن (10 ناۋرىز) تايۋاننىڭ زاڭ شىعارۋشىلارى الدىندا ەسەپ بەرگەن ۇلتتىق قاۋىپسىزدىك بيۋروسىنىڭ جەتەكشىسى چىن ميڭتوڭ وسىنداي مالىمەتتى راستادى. تايۋاننىڭ جوعار بيلىك ورگانى رەسەي مەن ۋكراينا سوعىسى كەزىندە تايۋان بۇعازىنىڭ جالپى جاعدايىن باعالاۋ ءۇشىن ۇلتتىق قاۋىپسىزدىك بيۋروسىنىڭ جەتەكشسىن ارنايى ەسەپ بەرۋگە شاقىرعان بولاتىن. بۇل تىڭدالىمعا ەلدىڭ قورعانىس ءمينيسترى، ءسىم جەتەكشىسى جانە شەتەلدەگى قىتاي كوميتەتىنىڭ ديرەكتورى دا شاقىرىلعان.
ەسەپ بەرۋدەن كەيىن ۆەتنامدىق اسكەري باسىلىم «دۋان دانگ» ءوزىنىڭ «تۆيتتەر» پاراقشاسىنا حابار تاراتتى. وندا Y-8 ارنايى ۇشاعى 1 ناۋرىز تۇستەن كەيىن قىتايدىڭ حاينان ارالىنداعى سانيا قالاسىنىڭ وڭتۇستىك-باتىسىنداعى سۋعا قۇلاعانى، قىتاي حالىق-ازاتتىق ارمياسى سول كۇنى كۇتپەگەن جەردەن اتالعان تەڭىز ايدىنىندا ۇشۋعا تىيىم سالىپ، 2 ناۋرىزعا دەيىن اسكەري جاتتىعۋ وتكىزەتىنىن مالىمدەگەنى ايتىلادى.
باسلىم مالىمەتىنشە، قىتاي تارابىنىڭ بۇل ارەكەتىنە ۆەتنام ءسىم تارابى نارازىلىق نوتاسىن دا جولداعان. الايدا، قىتاي سىرتىق ىستەر ءمينيسترى نارازىلىق نوتاسىن قابىلداماعان، ءارى «ءوز بوساعاسىندا» قاۋىپسىزدىك تالاپتارىنا بايلانىستى «ورىندى، ايىپتالمايتىن ارەكەت» ەتىپ وتىرعانىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟