فوتو: https://independent.co.uk

يراكتا اقش بازاسىنا بالليستيكالىق زىمىراندارمەن شابۋىل جاسالدى، – دەپ حابارلايدى Politico باسىلىمى.

پەنتاگون وكىلى دجوناتان حوففماننىڭ مالىمدەۋىنشە، شابۋىل يران اۋماعىنان جاسالعان. بەلگىلى بولعانداي، ءال-اساد بازاسىنا ونداعان زىمىران قۇلاعان. شابۋىل يراننىڭ اسكەري گەنەرالى كاسەم سۋلەيمانيدى جەرلەۋ راسىمىنەن كەيىن بىرنەشە ساعات وتە جاسالىپتى. ازىرگە امەريكا تاراپىنان قانشا ادامنىڭ زارداپ شەككەنى بەلگىسىز. بىراق يراك جاعىنان قازا تاپقاندار بولۋى مۇمكىن. ءوز كەزەگىندە اق ءۇيدىڭ ءباسپاسوز حاتشىسى ستەفاني گريشامنىڭ مالىمدەۋىنشە، دونالد ترامپ بولعان وقيعادان حاباردار. پرەزيدەنت ايماقتاعى جاعدايدى ءجىتى باقىلاۋدا ۇستاپ وتىر ەكەن.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. امەريكا بۇل نارازىلىقتىڭ ارتىندا يران تۇر دەپ ەسەپتەيدى. نارازىلىق اقش كۇشتەرىنىڭ يراكتاعى جانە سۇرياداعى شابۋىلىندا شيت مۇسىلماندارى قازا تاپقانى تۋرالى مالىمەت تاراعان سوڭ تۇتانعان ەدى.

يسلام رەۆوليۋتسياسى ساقشىلار كورپۋسىنىڭ «قۇدس كۇشتەرى» ارنايى جاساعىنىڭ قولباسشىسى سۇلەيماني 3 قاڭتاردا باعداتتاعى اقش-تىڭ اۋە شابۋىلى كەزىندە مەرت بولعان. ونى ولتىرۋگە اقش پرەزيدەنتى دونالد ترامپ بۇيرىق بەرگەن. «قۇدس كۇشتەرى» يراننىڭ سىرتتاعى اسكەري وپەراتسيالارىنا قاتىسقان. بۇعان دەيىن اقش-تان «كەك الاتىنىن» مالىمدەگەن يران 8 قاڭتاردا اقش-تىڭ يراكتاعى بىرقاتار نىساندارىنزىمىرانمەن اتقىلادى.

"The Qazaq Times"