قوعام بەلسەندىسى، بەلگىلى جۋرناليست ساۋلە ابىلداحانقىزى شيكى تۇسى كوپ، اتىشۋلى "ابىشەۆ پەن تۇكيەۆتىڭ ىسىنە" سوت ۇكىمى شىعاتىن كۇن جاقىنداعانىن حابارلادى. ول facebook جەلىسىندەگى جەكە پاراعىندا جاريالاعان جازباسىندا "ابىشەۆ سوتىنا" الاڭداۋشىلارعا تىڭ دەرەكتەر بولىسكەن. كەلەسى سوت وتىرىسى 8 قاڭتارعا بەكىتىلگەن.
ءۇش ايعا سوزىلعان سوت بارىسىندا ايىپتاۋشى جاقتىڭ دا، قورعاۋ تاراپىنىڭ دا كۋاگەرلەرىنەن (30-عا جۋىق ادام) تولىق جاۋاپ الىندى. سوتقا قاتىسۋشىلار ءىس ماتەريالدارىن (30 توم) باستان-اياق زەرتتەدى. سوتتالۋشى ي.ابىشەۆ پەن س.تۇكيەۆتەن تولىق جاۋاپ الىندى. ەندى تەك ء"سوزجارىس" پەن "ۇكىم" قالدى. ارى كەتسە، 15 قاڭتارعا دەيىن اياقتالۋ كەرەك.
ەستەرىڭىزگە سالا كەتسەك، ي.ابىشەۆ پەن س.تۇكيەۆتىڭ استانادا تۇرمەدە (سيزودا) وتىرعانىنا 10 اي بولدى. تەرگەۋ ورگاندارى ي.ا.ابىشەۆ جانە س.تۋكيەۆكە مىناداي جاعدايدا پارا الۋعا وقتالدى دەپ ايىپ تاققان.
ءىس بىلاي بولعان:
1. بۇرىن قارجى پوليتسياسىندا «اسا ماڭىزدى ىستەر بويىنشا جەدەل قىزمەتكەر» بولىپ قىزمەت اتقارعان ازامات شايمەردەنوۆ، «قازبايلىق» مەكەمەسىنە قاتىسى بار ادامدى تانيتىن ماكيشەۆ (ماكىشەۆ) ەسىمدى ادامعا جولىعىپ، وعان «قازبايلىق» مەكەمەسىنەن ي.ا.ابىشەۆتىڭ اسا ءىرى كولەمدە (250 000 000 ەكى ءجۇز ەلۋ ميلليون تەڭگە) پارا تالاپ ەتكەنىن جەتكىزەدى،
2. ماكيشەۆ ءوز كەزەگىندە، سول مەكەمەگە ءىس جۇزىندە قاتىسى بار دەپ ەسەپتەلەتىن، بىراق ونىسى قۇجات تۇرىندە راسىمدەلمەگەن تيۋلەگەنوۆ ەسىمدى ازاماتقا جولىعادى،
3. ايىپتاۋ اكتىسىنە سايكەس، «تيۋلەگەنوۆ (تولەگەنوۆ) باسىندا كەلىسكەندەي سىڭاي تانىتىپ، كەيىن قانداي دا ءبىر بولماسىن اقشا سوماسىن بەرۋدەن باس تارتادى»،
4. سوعان قاراماستان ازامات شايمەردەنوۆ 21.12.2018 ج.، «قازبايلىق» مەكەمەسىنەن پارا تالاپ ەتىپ جاتىر دەپ ي.ا.ابىشەۆتىڭ ۇستىنەن قر سجقك ۇلتتىق بيۋروسىنا ارىزدانادى،
5. قر سجقك ۇلتتىق بيۋروسى ازامات شايمەردەنوۆكە ءوز ەسەبىنەن 10 000 000 (ون ميلليون) تەڭگە بەرەدى،
6. ازامات شايمەردەنوۆ 2019 جىلدىڭ قاڭتار-اقپان ايلارىندا ەكى ءبولىپ 10 000 000 (ون ميلليون) تەڭگەنى «قازاق كۇرەسى» فەدەراتسياسىنىڭ اتقارۋشى ديرەكتورى س.تۋكيەۆكە بەرەدى، ء(وز ينيتسياتيۆاسىمەن، دەمەۋشى بولامىن دەگەن);
7. س.تۇكيەۆ ول اقشانى، دەمەۋشىلىك كومەك رەتىندە سپورتشىلاردىڭ قاجەتىنە جاراتادى، (گوللاندياعا بىرنەشە سپورتشىنى جارىسقا اپارادى);
8. ازامات شايمەردەنوۆ 50 000 000 (ەلۋ ميلليون) تەڭگەنى (ونىڭ ىشىندە ءوزىنىڭ دە، ۇلتتىق بيۋرونىڭ دا اقشالارى بار) 14.03.2019 جىلى شىنداۋلەتوۆ قۇنانباي ەسىمدى ازاماتقا بەرەدى،
9. تەرگەۋدىڭ ۆەرسياسى بويىنشا از. شىنداۋلەتوۆ قۇنانباي ول اقشانى از. ابيشەۆ قانىبەككە بەرۋى، ال ول ءوز كەزەگىندە وسى ءىس بويىنشا «پارا الۋشى» ستاتۋسىنا يە يسلام ابىشەۆكە بەرۋى ءتيىس بولاتىن،
10. الايدا، تەرگەۋ ورگاندارى 14.03.2019 جىلى وپەراتسيانى توقتاتىپ، 50 000 000 (ەلۋ ميلليون) تەڭگە العان از. شىنداۋلەتوۆ قۇنانبايدى جانە يسلام ابىشەۆ پەن سەرىك تۋكيەۆتى اسا ءىرى كولەمدە پارا الماقشى بولدى دەگەن كۇدىكپەن ۇستايدى؟!
11. ارتىنان 50 000 000 (ەلۋ ميلليون) تەڭگە العان از. شىنداۋلەتوۆ قۇنانباي جانە تەرگەۋدىڭ ۆەرسياسى بويىنشا ودان الىپ يسلام ابىشەۆكە بەرۋ ءتيىس ابيشەۆ قانىبەككە قاتىستى قىلمىستىق ىستەر، ولاردىڭ ارەكەتىندە قىلمىس قۇرامى بولماۋىنا بايلانىستى توقتاتىلعان!
12. ال ەشقانداي اقشا الماعان جانە ستەنوگراممادا اقشا الۋ، بەرۋ، تالاپ ەتۋ تۋرالى بىردە-ءبىر ءسوزى جازىلماعان جانە ازامات شايمەردەنوۆتەن باسقا ەشبىر ادام پارا الۋشى دەپ كورسەتپەگەن يسلام ابىشەۆ پەن ازامات شايمەردەنوۆتەن «قازاق كۇرەسى» فەدەراتسياسىنا دەمەۋشىلىككە دەپ 10 000 000 (ون ميلليون) تەڭگە العان جانە ونى سول ماقساتتا جۇمساعانى تەرگەۋمەن انىقتالعان سەرىك تۋكيەۆ، پارا الۋعا وقتالدى دەگەن ايىپپەن قاماۋعا الىنادى.
13. پارا تالاپ ەتىلدى دەگەن «قازبايلىق» مەكەمەسى بولسا، يسلام ابىشەۆ باسقارعان «سۋ رەسۋرستارى كوميتەتىمەن» 2018 جىلدىڭ كۇزىندە شارت جاساسىپ، وسى كەزگە دەيىن ەش كەدەرگىسىز ءوز جۇمىستارىن اتقارۋدا، ونىڭ ۇستىنە سوتتا كۋا رەتىندە جاۋاپتالعان «قازبايلىق» باسشىسى تيۋلەگەنوۆ ي.ابىشەۆتى دە، ا.شايمەردەنوۆتى دە بۇرىن تانىمايتىنىن، ولارعا پارا رەتىندە اقشا بەرۋ تۋرالى ويىندا دا بولماعانىن ايتتى. ياعني، ءىس بويىنشا پارا بەرۋشى جوق!
14. ەگەر سوت ي.ابىشەۆ پەن س.تۋكيەۆتى كىنالى دەپ تاپسا، ولارعا جازا رەتىندە ون جىلدان جوعارى باس بوستاندىعىنان ايىرۋ كوزدەلگەن.
15. الايدا، ولاردىڭ "پارا العانىن دا، پارا العىسى كەلگەنىن" دە دالەلدەيتىن بىردە-ءبىر فاكت، ايعاق، دالەل جوق.الەم كريميناليستيكاسىندا مۇنداي "قىلمىس" بولماعان شىعار...
تراگيكومەديا دەسەڭىز دە، فارس دەسەڭىز دە، "دەتەكتيۆ پو-كازاحسكي" دەسەڭىز دە، ءوزىڭىز ءبىلىڭىز...
"جىلدىڭ ەڭ شۋلى ءىسى" دەيىن دەسەم، ءبىزدىڭ ەلدە بارلىق ىستەر وتە شۋلى ەكەن...
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن