ي.ابىشەۆ. فوتو: Kazpravda.kz

استانانىڭ قىلمىستىق ىستەر جونىندەگى اپەللياتسيالىق القاسى اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ بۇرىنعى توراعاسى يسلام ابىشەۆتىڭ تۇرمەدەن ەرتە بوساپ شىعۋ تۋرالى ءوتىنىشىن قاناعاتتاندىردى. بۇل تۋرالى بۇگىن  ابىشەۆتىڭ ادۆوكاتتارى الەۋمەتتىك جەلىدە حابارلادى.

ادۆوكات ەرلان ماكەنوۆتىڭ ايتۋىنشا، سوت ونىڭ جاسى مەن ايىپپۇلىنىڭ جوقتىعىن ەسكەرگەن.

ەكى كۇن بۇرىن ادۆوكات ابزال قۇسپان ابىشەۆتىڭ اۋىر حالدە اۋرۋحاناعا جەتكىزىلگەنىن حابارلاعان. قۇسپاننىڭ ايتۋىنشا، ول ءالى دە ارۋحانادا جاتىر. ەكس-شەنەۋنىككە پنەۆمونيا ديگنوزى قويىلعان.

ابىشەۆ 2020 جىلدىڭ اقپانىن "ەنشىلەس كومپانيادان 60 ميلليون تەڭگە كولەمىندە پارا الۋعا ارەكەتتەنگەن" دەگەن ايپپەن بەس جىلعا باس بوستاندىعىنان ايىرىپ، قاۋىپسىزدىگى تومەن مەكەمەدە جازاسىن وتەۋگە جىبەرگەن.

65 جاستاعى يسلام ابىشەۆ 2012 - 2013 جىلدارى جانە 2014 جىلدان 2019 جىلدىڭ ناۋرىزىنا دەيىن اۋىل شارۋاشىلىعى مينيسترلىگىنە قاراستى سۋ رەسۋرستارى كوميتەتىنىڭ توراعاسى قىزمەتىن اتقارعان. ءۇش جىل وسكەمەن قالاسىن باسقارعان.

"The Qazaq Times"