"Almağan parası üşin" küdikti retinde prokuror tarapınan ayıptalıp jatqan Islam Äbişev pen Serik Tükiev. Foto: Säule Äbildahanqızı parağınan

Qoğam belsendisi, belgili jurnalist Säule Äbildahanqızı şiki twsı köp, atışulı "Äbişev pen Tükievtiñ isine" sot ükimi şığatın kün jaqındağanın habarladı. Ol facebook jelisindegi jeke parağında jariyalağan jazbasında "Äbişev sotına" alañdauşılarğa tıñ derekter bölisken. Kelesi sot otırısı 8 qañtarğa bekitilgen. 

Üş ayğa sozılğan sot barısında ayıptauşı jaqtıñ da, qorğau tarapınıñ da kuägerlerinen (30-ğa juıq adam) tolıq jauap alındı. Sotqa qatısuşılar İs materialdarın (30 tom) bastan-ayaq zerttedi. Sottaluşı I.Äbişev pen S.Tükievten tolıq jauap alındı. Endi tek "sözjarıs" pen "ükim" qaldı. Arı ketse, 15 qañtarğa deyin ayaqtalu kerek.

Esteriñizge sala ketsek, I.Äbişev pen S.Tükievtiñ Astanada türmede (SIZOda) otırğanına 10 ay boldı. Tergeu organdarı I.A.Äbişev jäne S.Tukievke mınaday jağdayda para aluğa oqtaldı dep ayıp taqqan.

İs bılay bolğan:

1. Bwrın qarjı policiyasında «asa mañızdı ister boyınşa jedel qızmetker» bolıp qızmet atqarğan Azamat Şaymerdenov, «Qazbaylıq» mekemesine qatısı bar adamdı tanitın Makişev (Mäkişev) esimdi adamğa jolığıp, oğan «Qazbaylıq» mekemesinen I.A.Äbişevtıñ asa iri kölemde (250 000 000 eki jüz elu million teñge) para talap etkenin jetkizedi,
2. Makişev öz kezeginde, sol mekemege is jüzinde qatısı bar dep esepteletin, biraq onısı qwjat türinde räsimdelmegen Tyulegenov esimdi azamatqa jolığadı,
3. Ayıptau aktisine säykes, «Tyulegenov (Tölegenov) basında keliskendey sıñay tanıtıp, keyin qanday da bir bolmasın aqşa somasın beruden bas tartadı»,
4. Soğan qaramastan Azamat Şaymerdenov 21.12.2018 j., «Qazbaylıq» mekemesinen para talap etip jatır dep I.A.Äbişevtıñ üstinen QR SJQK Wlttıq Byurosına arızdanadı,
5. QR SJQK Wlttıq Byurosı Azamat Şaymerdenovke öz esebinen 10 000 000 (on million) teñge beredi,
6. Azamat Şaymerdenov 2019 jıldıñ qañtar-aqpan aylarında eki bölip 10 000 000 (on million) teñgeni «Qazaq küresi» Federaciyasınıñ atqaruşı direktorı S.Tukievke beredi, (öz iniciativasımen, demeuşi bolamın degen);
7. S.Tükiev ol aqşanı, demeuşilik kömek retinde sportşılardıñ qajetine jaratadı, (Gollandiyağa birneşe sportşını jarısqa aparadı);
8. Azamat Şaymerdenov 50 000 000 (elu million) teñgeni (onıñ işinde öziniñ de, Wlttıq Byuronıñ da aqşaları bar) 14.03.2019 jılı Şındauletov Qwnanbay esimdi azamatqa beredi,
9. Tergeudiñ versiyası boyınşa az. Şındauletov Qwnanbay ol aqşanı az. Abişev Qanıbekke berui, al ol öz kezeginde osı is boyınşa «para aluşı» statusına ie Islam Äbişevke berui tiis bolatın,
10. Alayda, tergeu organdarı 14.03.2019 jılı operaciyanı toqtatıp, 50 000 000 (elu million) teñge alğan az. Şındauletov Qwnanbaydı jäne Islam Äbişev pen Serik Tukievti asa iri kölemde para almaqşı boldı degen küdikpen wstaydı?!
11. Artınan 50 000 000 (elu million) teñge alğan az. Şındauletov Qwnanbay jäne tergeudiñ versiyası boyınşa odan alıp Islam Äbişevke beru tiis Abişev Qanıbekke qatıstı qılmıstıq ister, olardıñ äreketinde qılmıs qwramı bolmauına baylanıstı toqtatılğan!
12. Al eşqanday aqşa almağan jäne stenogrammada aqşa alu, beru, talap etu turalı birde-bir sözi jazılmağan jäne Azamat Şaymerdenovten basqa eşbir adam para aluşı dep körsetpegen Islam Äbişev pen Azamat Şaymerdenovten «Qazaq küresi» Federaciyasına demeuşilikke dep 10 000 000 (on million) teñge alğan jäne onı sol maqsatta jwmsağanı tergeumen anıqtalğan Serik Tukiev, para aluğa oqtaldı degen ayıppen qamauğa alınadı.
13. Para talap etildi degen «Qazbaylıq» mekemesi bolsa, Islam Äbişev basqarğan «Su resurstarı Komitetimen» 2018 jıldıñ küzinde şart jasasıp, osı kezge deyin eş kedergisiz öz jwmıstarın atqaruda, onıñ üstine sotta kuä retinde jauaptalğan «Qazbaylıq» basşısı Tyulegenov I.Äbişevti de, A.Şaymerdenovti de bwrın tanımaytının, olarğa para retinde aqşa beru turalı oyında da bolmağanın ayttı. YAğni, is boyınşa para beruşi joq!
14. Eger sot I.Äbişev pen S.Tukievtı kinäli dep tapsa, olarğa jaza retinde on jıldan joğarı bas bostandığınan ayıru közdelgen.
15. Alayda, olardıñ "para alğanın da, para alğısı kelgenin" de däleldeytin birde-bir fakt, ayğaq, dälel joq.

Älem kriminalistikasında mwnday "qılmıs" bolmağan şığar...

Tragikomediya deseñiz de, fars deseñiz de, "detektiv po-kazahskiy" deseñiz de, öziñiz biliñiz...

"Jıldıñ eñ şulı isi" deyin desem, bizdiñ elde barlıq ister öte şulı eken...

"The Qazaq Times"