Қазақстан президенті Қасым-Жомарт Тоқаев бірқатар кадрлық тағайындау жасады. Бұл туралы Ақорданың баспасөз қызметі хабарлады.

Мемлекет басшысының Өкімдерімен: Нұрлан Алмасұлы Әбдірахманов Қазақстан Республикасының Қаржы нарығын реттеу және дамыту агенттігі төрағасының орынбасары қызметіне тағайындалды;

Олег Александрович Смоляков Қазақстан Республикасының Қаржы нарығын реттеу және дамыту агенттігінің төрағасының бірінші орынбасары қызметіне тағайындалды, ол Қазақстан Республикасы Ұлттық банкі төрағасының орынбасары қызметінен босатылды;

Мария Жамаловна Хаджиева Қазақстан Республикасының Қаржы нарығын реттеу және дамыту агенттігі төрағасының орынбасары қызметіне тағайындалды;

Ақылжан Мәлікұлы Баймағамбетов Қазақстан Республикасының Ұлттық банкі төрағасының орынбасары қызметіне тағайындалды;

Әлия Мейірбекқызы Молдабекова Қазақстан Республикасының Ұлттық банкі төрағасының орынбасары қызметіне тағайындалды.

Сонымен қатар президент Өкімімен Ерлан Сапарұлы Оразбай Қазақстан Республикасы президенті іс басқарушысының орынбасары қызметіне тағайындалды. Оның алдында Мемлекет басшысының Өкімімен Мұрат Дүйсенбекұлы Әйтенов президент Іс басқарушысының орынбасары қызметінен босатылған.

"The Qazaq Times"