تۇركيا قازاقستاننىڭ توپ-ينۆەستورلارى قاتارىنا ەندى.

رەسمي مالىمەتتەر بويىنشا، بيىل ءبىرىنشى جارتىجىلدىقتا قازاقستان ەكونوميكاسىنا قۇيىلعان تۇرىك ينۆەستيتسيالارىنىڭ كولەمى 85%-كە ارتىپ، 275 ميلليون اقش دوللارىنا جەتكەن. جىل سوڭىنا دەيىن بۇل كورسەتكىش 500 ميلليون دوللارعا جەتكىزۋ كوزدەلگەن. بۇل جوسپار «جاڭا سينەرگيا» بىرلەسكەن ەكونوميكالىق باعدارلاماسىنا سايكەس جۇزەگە اسىپ وتىر.

قوس مەملەكەت اراسىنداعى بايلانىسقا توقتالىپ وتكەن ەكەرمەن Ronesans حولدينگى باسقارما مۇشەسى كاان كەمال: «قازاقستاندا ينۆەستورلارعا ارنالعان شەتەلدىك مەكەمە-ورتالىق-ءوڭىر فورماتىندا ءۇش دەڭگەيلى جۇيەسى جۇمىسىمىزدى جەڭىلدەتتى. ەلىڭىزدىڭ ەلشىلىگى ارقىلى جوبامىز تۋرالى تولىققاندى اقپاراتقا قول جەتكىزەمىز. بۇل ءبىز ءۇشىن وتە ماڭىزدى. قازاقستاندا بىرقاتار قۇرىلىس جۇمىستارىن اتقاردىق. كەلەسى ماقساتىمىز – مەملەكەتتىكجەكەمەنشىك ارىپتەستىك نەگىزىندە اۋرۋحانا قۇرىلىسىن باستاۋ. ءبىز تاپ وسى جوبا بويىنشا تۇركيادا 4 اۋرۋحانانى ىسكە قوستىق»، — دەيدى.

نەگىزىنەن تۇركيا – قازاقستاننىڭ ەۋرازياداعى نەگىزگى ساۋدا-ەكونوميكالىق جانە ينۆەستيتسيالىق سەرىكتەستەرىنىڭ ءبىرى سانالادى. قازىرگى ۋاقىتتا تۇرىك كاپيتالىنىڭ قاتىسۋىمەن 4200-دەن استام كاسىپورىن جۇمىس ىستەپ تۇر. ۇكىمەت باسشىسى اسقار ءماميننىڭ قاراشا ايىنداعى ساپارى اياسىندا قۇنى 1,5 ميلليارد اقش دوللارىن قۇرايتىن 18 قۇجاتقا قول قويىلعان.

"The Qazaq Times"