Türkiya Qazaqstannıñ top-investorları qatarına endi.

Resmi mälimetter boyınşa, biıl birinşi jartıjıldıqta Qazaqstan ekonomikasına qwyılğan türik investiciyalarınıñ kölemi 85%-ke artıp, 275 million AQŞ dollarına jetken. Jıl soñına deyin bwl körsetkiş 500 million dollarğa jetkizu közdelgen. Bwl jospar «Jaña sinergiya» birlesken ekonomikalıq bağdarlamasına säykes jüzege asıp otır.

Qos memleket arasındağı baylanısqa toqtalıp ötken Ekermen Ronesans holdingi basqarma müşesi Kaan Kemal: «Qazaqstanda investorlarğa arnalğan şeteldik mekeme-ortalıq-öñir formatında üş deñgeyli jüyesi jwmısımızdı jeñildetti. Eliñizdiñ elşiligi arqılı jobamız turalı tolıqqandı aqparatqa qol jetkizemiz. Bwl biz üşin öte mañızdı. Qazaqstanda birqatar qwrılıs jwmıstarın atqardıq. Kelesi maqsatımız – memlekettikjekemenşik äriptestik negizinde auruhana qwrılısın bastau. Biz tap osı joba boyınşa Türkiyada 4 auruhananı iske qostıq», — deydi.

Negizinen Türkiya – Qazaqstannıñ Euraziyadağı negizgi sauda-ekonomikalıq jäne investiciyalıq seriktesteriniñ biri sanaladı. Qazirgi uaqıtta türik kapitalınıñ qatısuımen 4200-den astam käsiporın jwmıs istep twr. Ükimet basşısı Asqar Maminniñ qaraşa ayındağı saparı ayasında qwnı 1,5 milliard AQŞ dolların qwraytın 18 qwjatqa qol qoyılğan.

"The Qazaq Times"