تۇركيا كومپانياسى الماتى وبلىسىندا زاۋىت اشپاق

تۇركيالىق «Femas Metal Sanayi ve Ticaret A.S.» كومپانياسى قاراساي اۋدانىنىڭ اۋماعىندا گاز جانە ەلەكتر پليتالارىن شىعاراتىن جاڭا كاسىپورىن اشۋ تۋرالى ۇسىنىس ءبىلدىردى.

الماتى وبلىسى اكىمىنىڭ ءباسپاسوز قىزمەتىنىڭ حابارلاۋىنشا، قازىرگى ۋاقىتتا كاسىپكەرلەرگە قاراساي اۋدانىنىڭ جارمۇحامبەت اۋىلىنان 12 گەكتار جەر ۋچاسكەسى بەرىلگەن. بۇل اۋماقتا قازىر زاۋىتتىڭ العاشقى كەزەڭىن ىسكە قوسۋعا مۇمكىندىك بەرەتىن قۇرىلىس نىسانى بار.

اتالعان كومپانيانىڭ ونىمدەرى بۇگىندە 6 قۇرلىقتىڭ 130 ەلىندە پايدالانىلادى.  «Femas Metal Sanayi ve Ticaret A.S.» كومپانياسىنىڭ باس ديرەكتورى يۋسۋپ ۇگەننىڭ ايتۋىنشا، كومپانياعا تيەسىلى وندىرىستىك نىساننىڭ التاۋى كايسەر قالاسىندا، بىرەۋى ستامبۋلدا ورنالاسقان. وندا جالپى سانى 1700-دەي ادام جۇمىس ىستەيدى. كومپانيا قازاقستان، قىرعىزستان، وزبەكستان عا تاۋار تاسىمالداۋعا نيەتتى.

الماتى وبلىسىنىڭ اكىمى اماندىق باتالوۆ: «ەلىمىزدە «قاراپايىم زاتتار ەكونوميكاسى» باعدارلاماسى اسا ماڭىزدى. وعان قوسا وبلىسقا گاز تارتىلىپ، ەلدى مەكەندەردى گازاندىرۋ قارقىندى ءجۇرىپ جاتىر. ءوڭىردى گازداندىرۋدى باستالعاندا كوگىلدىر وتىنمەن قامتۋ نەبارى 9, 10 % ەدى، بيىل كورسەتكىشتى 50%-كە جەتكىزەمىز دەپ وتىرمىز. گازى بار ءəربىر ۇيگە سىزدەر شىعاراتىن گاز پليتالارى قاجەت بولادى»، – دەدى.

گاز جəنە ەلەكتر پليتالارىن وندىرەتىن زاۋىت سالۋ جوباسىنىڭ قۇنى 2 ميلليارد تەڭگە دەپ جوسپارلانىپ وتىر. وندا شامامەن 500-دەي جۇمىس ورنى اشىلماق، ونىڭ 200-ءى تۇراقتى جۇمىس ورنى بولادى. زاۋىت بيىلعى جىلدىڭ كۇزىندە ىسكە قوسىلادى دەپ مەجەلەنگەن.

"The Qazaq Times"