زەلەنسكي: قىرىم مەن دونباسس – ۋكراينا جەرى

ۋكراينا پرەزيدەنتى ۆلاديمير زەلەنسكي «كيەۆ ءوز تەرريتورياسىن بولىسپەيدى جانە ەشقاشان فەدەراليزاتسياعا جول بەرمەيدى» دەپ مالىمدەدى.

«نورماند تورتتىگى» ءسامميتىنىڭ قورىتىندىسى بويىنشا وتكەن ءباسپاسوز ءماسليحاتىندا ول: «ۋكراينا – ۋنيتارلى مەملەكەت. مەن ۋكراينا پرەزيدەنتى رەتىندە ەلدىڭ ەشقاشان بولىنبەيتىنىن جانە ۋكراين حالقى ءبىرتۇتاس ەكەندىگىن باسا ايتقىم كەلەدى. فەدەراتسيا قۇرامىنا ەنۋ تۋرالى وي تۋىنداماي-اق قويسىن. ۋكراينا تاۋەلسىز، دەربەس جانە دەموكراتيالىق مەملەكەت»، – دەپ اتاپ ءوتتى.

سونداي-اق، زەلەنسكي سوزىندە «ۋكراينانىڭ شىعىسىنداعى جاعدايدى حالىقارالىق تۇرعىدا شەشۋ مۇمكىن ەمەس، ءاربىر ۋكراين ءۇشىن دونباسس پەن قىرىم – ۋكراينا جەرى»، – دەدى.

ايتا كەتەيىك، 9 جەلتوقساندا پاريجدە «نورماند تورتتىگى» وكىلدەرى باس قوستى. «نورماند تورتتىگى» ءسامميتى – ۋكراينانىڭ شىعىسىنداعى جانجالدى رەتتەۋ ءۇشىن 2014 جىلدان بەرى جۇمىس ىستەپ كەلە جاتقان ۋكراينا، رەسەي، فرانتسيا جانە گەرمانيا جەتەكشىلەرى مەن سىرتقى ىستەر مينيسترلىگىنىڭ كەزدەسۋ فورماتى.

"The Qazaq Times"