ۋكراينا پرەزيدەنتى ۆلاديمير زەلەنسكي مەن گفر باسشىسى فرانك-ۆالتەر شتاينمايەر نورماند تورتتىگى دونباسستاعى قاقتىعىستاردى توقتاتىپ، بەيبىتشىلىككە قول جەتكىزۋ ءۇشىن بىرلەسە ارەكەت ەتۋگە بەل بۋدى. بۇل جونىندە زەلەنسكيدىڭ ءباسپاسوز مالىمدەمەسىندە ايتىلعان.
توكيودا يمپەراتوردى ۇلىقتاۋ راسىمىندە ارنايى كەزدەسۋ وتكىزگەن تاراپتار ۋكراينانى رەسەيدىڭ اگرەسسيالىق ساياساتىنان قورعاۋ، قىرىم جانە دونباسس ماسەلەلەرىنىڭ شەشىمىن تابۋ تۋرالى اڭگىمە ءوربىتتى. ءوز سوزىندە زەلەنسكي نورماند تورتتىگىنىڭ جۇمىسىن جاڭارتۋ ءۇشىن بارىنشا ۇلەس قوسقانىن ايتتى.
وسىعان دەيىن دونباسس ماسەلەسىندە گەرمانيا ۇكىمەتى «شتاينمايەر فورمۋلاسى» بويىنشا بىرنەشە ۋاعدالاستىقتارعا قول جەتكىزگەن. بەرلين اتالعان فورمۋلانى «مينسك ۋاعدالاستىقتارىن جۇزەگە اسىرۋ جولىنداعى ماڭىزدى قادام» دەپ ەسەپتەيدى.
3 قازاندا دونباسستاعى قاقتىعىستى رەتتەۋ جونىندەگى ارنايى وتىرىستىڭ ناتيجەسى بويىنشا رەسەي وكىلى بوريس گرىزلوۆ بارلىق قاتىسۋشىلار ۋكراينا زاڭناماسىندا بەكىتۋ ءۇشىن «شتاينمايەر فورمۋلاسى» بويىنشا ارەكەت ەتۋگە كەلىسكەنىن حابارلاعان. سونىمەن قاتار، «دونەتسك جانە لۋگانسك وبلىستارىنىڭ جەكەلەگەن اۋداندارىنىڭ ەرەكشە مارتەبەسى تۋرالى زاڭدى قولدانىسقا ەنگىزۋ ءتارتىبى» تالقىلانعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟