رەسەيگە قاتىستى سانكتسيالار ءوز كۇشىن جويمايدى. بىراق، «نورماند تورتتىگى» ەلدەرىنە قويىلاتىن بىرنەشە تالاپتار بار. بۇل تۋرالى گفر كانتسلەرى انگەلا مەركەل نيدەرلاند پرەمەر-ءمينيسترى مارك ريۋتتەمەن بىرلەسكەن ءباسپاسوز ماسليحاتىندا مالىمدەدى.

«بىزدە ىلگەرىلەۋ بايقالادى. دەگەنمەن، ءالى دە تولىققاندى جۇزەگە اسپاعان جوسپارلار بار. وسى رەتتە پاريجدە رەسمي كەزدەسۋ ۇيىمداستىرىپ، ماسەلەلەردى رەتتەۋىمىز قاجەت. ال رەسەيگە توقتالاتىن بولساق، سانكتسيالار جويىلمايدى»، – دەپ اتاپ ءوتتى مەركەل.

وسىعان دەيىن دونباسس ماسەلەسىندە گەرمانيا ۇكىمەتى «شتاينمايەر فورمۋلاسى» بويىنشا بىرنەشە ۋاعدالاستىقتارعا قول جەتكىزگەن. بەرلين اتالعان فورمۋلانى «مينسك ۋاعدالاستىقتارىن جۇزەگە اسىرۋ جولىنداعى ماڭىزدى قادام» دەپ ەسەپتەيدى.

وتكەن سەيسەنبىدە دونباسستاعى قاقتىعىستى رەتتەۋ جونىندەگى ارنايى وتىرىستىڭ ناتيجەسى بويىنشا رەسەي وكىلى بوريس گرىزلوۆ بارلىق قاتىسۋشىلار ۋكراينا زاڭناماسىندا بەكىتۋ ءۇشىن «شتاينمايەر فورمۋلاسى» بويىنشا ارەكەت ەتۋگە كەلىسكەنىن حابارلاعان. سونىمەن قاتار، «دونەتسك جانە لۋگانسك وبلىستارىنىڭ جەكەلەگەن اۋداندارىنىڭ ەرەكشە مارتەبەسى تۋرالى زاڭدى قولدانىسقا ەنگىزۋ ءتارتىبى» تالقىلانعان.

"The Qazaq Times"