اقش مەملەكەتتىك حاتشىسى مايك پومپەو مەن رەسەي سىرتقى ىستەر ءمينيسترى سەرگەي لاۆروۆ 10 جەلتوقساندا ۋاشينگتوندا كەزدەسپەك. بۇل تۋرالى اقش مەملەكەتتىك دەپارتامەنتى حابارلادى.
The Washington Post گازەتى اقش اكىمشىلىگىنىڭ وكىلدەرىنە سىلتەمە جاساي وتىرىپ، پومپەو 10 جەلتوقساندا ۋاشينگتوندا لاۆروۆپەن ەكىجاقتى قارىم-قاتىناس، قارۋ-جاراقتى باقىلاۋ، ءسۇريا مەن ۋكرايناداعى جاعدايدى تالقىلاۋعا نيەتتى ەكەنىن حابارلادى. تاراپتار ەكى ەلدىڭ بايلانىسى جونىندە سۇحبات وتكىزىپ، كونفەرەنتسيالار ۇيىمداستىرماق. اتالعان باسىلىم ءىلشىسى دجون حادسون Twitter-دەگى پاراقشاسىندا امەريكا سىرتقى ساياسات ۆەدومستۆوسىنىڭ مالىمدەمەسىن جاريالادى.
وسىعان دەيىن اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى روبەرت و ' برايەن CBS تەلەارناسىنا بەرگەن سۇحباتىندا لاۆروۆتىڭ اق ءۇي باسشىسىمەن دە كەزدەسۋى مۇمكىن ەكەنىن ايتقان. ونىڭ ويىنشا، ناقتى ءبىر كەلىسسوزدەر جۇرگىزىلمەسە دە، قارۋ-جاراق تاسىمالى تالقىلانۋى ءتيىس.
رف ءسىم باسشىسى سوڭعى رەت 2017 جىلى ۋاشينگتونعا اقش پرەزيدەنتى دونالد ترامپپەن كەزدەسكەن.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى