فوتو: https://www.20khv

گرۋزيادا 14 قاراشادا باستالعان نارازىلىق اكتسيالارى ءالى باسىلعان جوق. وسى اپتادا ۇكىمەتكە قارسى ەرەۋىلشىلەردى پوليتسيا كۇشپەن تاراتقان.

ايماقتاردا تۇرعىنداردىڭ نارازىلىققا شىعۋىنا 2020 جىلعى سايلاۋعا قاتىستى كونستيتۋتسيالىق تۇزەتۋلەردىڭ پارلامەنت قاراۋىنان وتپەۋى تۇرتكى بولعان. وسىدان كەيىن جەرگىلىكتى جۇرت پارلامەنت ءۇيىنىڭ الدىنا جينالىپ، ۇكىمەتتىڭ وتستاۆكاعا كەتۋى مەن كەزەكتەن تىس سايلاۋ وتكىزۋدى تالاپ ەتتى. دەگەنمەن، باسقارۋشى پارتيا ىمىراعا كەلۋدەن باس تارتىپ، قالا كوشەلەرى مەن پارلامەنت عيماراتى ماڭايىن ەرەۋىلشىلەردەن تازارتۋ بويىنشا ارنايى وپەراتسيا جۇرگىزۋدى قولعا الدى.

ەرەۋىلشىلەر اكتسيانىڭ بەيبىت تۇردە ءوتىپ جاتقانىن ايتقانمەن، پوليتسيا ولارعا قارسى سۋاتقىش قولداندى. بىرنەشە بەلسەندى ۋاقىتشا قاماۋعا دا الىندى. سوعان قاراماستان، وپپوزيتسيالىق پارتيا وكىلدەرى ەرەۋىلدى ارى قاراي دا جالعاستىرماق

وسىعان دەيىن ياعني 21 ماۋسىمدا گرۋزيادا ءىرى نارازىلىق شەرۋى وتكەن بولاتىن. حالىقتىڭ كوشەگە شىعۋىنا پارلامەنتارالىق اسسامبلەيا وتىرىسىنا رەسەي مەملەكەتتىك دۋماسىنىڭ دەپۋتاتى سەرگەي گاۆريلوۆتىڭ قاتىسۋى سەبەپ بولعان. گاۆريلوۆ اسسامبلەيانىڭ پرەزيدەنتى ەكەنىنە قاراماستان، نارازىلىق بىلدىرۋشىلەر ونىڭ گرۋزيا پارلامەنتىندە اسسامبلەيا وتىرىسىن جۇرگىزىپ وتىرعانىنا نارازى بولدى. گاۆريلوۆ تبيليسيگە بارار ساپارى الدىندا ابحازيا مەن وڭتۇستىك وسەتيا رەسەيدىكى دەپ ەسەپتەيتىنىن ايتقان. گرۋزيانىڭ ەكس-پرەزيدەنتى ميحايل سااكاشۆيلي پوليتسيانى نارازىلىق بىلدىرۋشىلەرگە قوسىلۋعا شاقىرعان بولاتىن.

"The Qazaq Times"