رەسەي پرەزيدەنتى ۆلاديمير پۋتين كەلەر جىلدىڭ قاڭتاردا انكاراعا رەسمي ىسساپارمەن بارماق. بۇل تۋرالى تۇركيا پرەزيدەنتىنىڭ ءباسپاسوز حاتشىسى يبراگيم كالىن حابارلادى.

«ءپۋتيننىڭ تۇركياعا ساپارى قاڭتاردىڭ ءبىرىنشى اپتاسىنا جوسپارلانعان. پرەزيدەنتتەر «تۇرىك اعىمى» بويىنشا جۇمىستاردىڭ اياقتالۋىنا ارنالعان كەزدەسۋگە قاتىسادى، سونداي-اق ەكىجاقتى قاتىناستاردى تالقىلايدى»، — دەدى كالىن

22 قازاندا رەسەي مەن تۇركيا پرەزيدەنتتەرى سوچيدە وتكەن كەزدەسۋدە ءسۇريانىڭ سولتۇستىك-شىعىسىنداعى جاعدايدى رەتتەۋ بويىنشا بىرلەسكەن ارەكەتتەر تۋرالى مەموراندۋم قابىلدادى. كۇرد قارۋلى كۇشتەرىنە 29 قازاندا تۇركيا شەكاراسىنان وڭتۇستىككە قاراي 30 شاقىرىمدىق ايماقتى تولىعىمەن بوساتۋ تاپسىرىلدى. ۋلتيماتۋمنىڭ اياقتالعان كۇنى رەسەيدىڭ قورعانىس ءمينيسترى سەرگەي شويگۋ كۇرد قارۋلى قۇرىلىمدارىنىڭ قاۋىپسىزدىك ايماعىنان شىعارىلۋى مەرزىمىنەن بۇرىن اياقتالعانىن حابارلادى.

"The Qazaq Times"