Ресей президенті Владимир Путин келер жылдың қаңтарда Анкараға ресми іссапармен бармақ. Бұл туралы Түркия президентінің баспасөз хатшысы Ибрагим Калын хабарлады.

«Путиннің Түркияға сапары қаңтардың бірінші аптасына жоспарланған. Президенттер «Түрік ағымы» бойынша жұмыстардың аяқталуына арналған кездесуге қатысады, сондай-ақ екіжақты қатынастарды талқылайды», — деді Калын

22 қазанда Ресей мен Түркия президенттері Сочиде өткен кездесуде Сүрияның солтүстік-шығысындағы жағдайды реттеу бойынша бірлескен әрекеттер туралы меморандум қабылдады. Күрд қарулы күштеріне 29 қазанда Түркия шекарасынан оңтүстікке қарай 30 шақырымдық аймақты толығымен босату тапсырылды. Ультиматумның аяқталған күні Ресейдің қорғаныс министрі Сергей Шойгу күрд қарулы құрылымдарының қауіпсіздік аймағынан шығарылуы мерзімінен бұрын аяқталғанын хабарлады.

"The Qazaq Times"