بۇگىن I حالىقارالىق جاسىل تەحنولوگيالار كونفەرەنتسياسىندا كۇن ەلەكتر ستانساسى قۇرىلىسىنىڭ جوباسىن جۇزەگە اسىرۋ تۋرالى كەلىسىمگە قول قويىلدى.

كەلىسىم بويىنشا الماتى وبلىسىنىڭ پانفيلوۆ اۋدانىندا قۋاتتىلىعى 100 مۆت كۇن ەلەكتر ستانساسى سالىنباق. جوباعا ينۆەستورلىق ەتەتىن چەحيالىق كومپانيا 70 ميلليون ەۋرودان استام قاراجات بولەتىن بولدى.

شارا حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى (IGTIC), قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ، سونداي-اق قازاقستاننىڭ ەكولوگيالىق ۇيىمدارى قاۋىمداستىعىنىڭ قولداۋىمەن ۇيىمداستىرىلدى.

سوننەنەردجي »اق ينۆەستورلار توبىنىڭ وكىلى يان سوننەنشاين: «ەكسپو كورمەسىنەن كەيىن ءبىز قازاقستاننىڭ بولاشاعى زور نارىق ەكەنىن تۇسىندىك. سونىمەن قاتار ءداستۇرلى ەنەرگيا كوزدەرىنەن لاستانۋ دەڭگەيى جوعارى. ءبىز ءوز ەسەبىمىزدەن قازاقستاندا جاسىل ەكونوميكاعا، تەحنولوگياعا جانە جاڭارتىلاتىن ەنەرگيا كوزدەرىن ەنگىزۋگە قولداۋ كورسەتۋدى ۇيعاردىق. حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىمەن بىرگە قازاقستان ءۇشىن مۇلدەم جاڭا، جاعىمدى ءيميدجدى قۇرۋعا مۇمكىندىك تۋادى. ەلدىڭ «جاسىلداندىرۋ» باعىتىندا ۇمتىلىپ، دامىپ كەلە جاتقانىن كورسەتۋدى ماقسات ەتەمىز »، — دەدى.

الماتى وبلىسى پانفيلوۆ اۋدانىنىڭ اكىمى تالعات ومىراليەۆ: «ءبىز قحر-مەن شەكارالاسپىز، بىزدە حالىقارالىق شەكارا ماڭىنداعى ىنتىماقتاستىق ورتالىعى بار، اۋداندا 100 مىڭ ادامعا ارنالعان جاڭا كەنت سالىنادى. ونەركاسىپتىك كاسىپورىندار مەن اگروونەركاسىپ كەشەنى داميدى. بىزدە جىلىنا 350 كۇنگە جۋىق كۇن شۋاقتى اۋا-رايى بار، سوندىقتان مۇنداي جوبانى جۇزەگە اسىرۋ يدەياسى ورىندى ەمەس. ەكولوگيالىق ماسەلەلەر سوڭعى ورىندا ەمەس، بىراق جاڭارتىلاتىن ەنەرگيا كوزدەرى قورشاعان ورتاعا ارقاشان وڭ اسەر ەتەتىنىن ءبارىمىز بىلەمىز»، — دەيدى. سونداي-اق ول حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعىنىڭ قوسقان ۇلەسىنە توقتالىپ، ينۆەستورلاردى ىزدەۋدى جانە يدەيانى جۇزەگە اسىرۋ تاسىلدەرىن ۇسىندى.

نەگىزىنەن بۇل جوبانى ن.نازارباەۆ مامىردا IGTIC-كە بارعان كەزدە ۇسىنعان. رەسمي دەرەك كوزدەرى اتاپ وتكەندەي، IGTIC قازاقستاننىڭ وڭىرلەرىمەن جاڭارتىلاتىن ەنەرگەتيكا سەكتورىنان جاسىل تەحنولوگيالاردى، پوليگونداردى اۋىلشارۋاشىلىق جەرلەرگە قايتا وڭدەۋدى قولدانا وتىرىپ، جاڭا جوبالاردى ىسكە اسىرۋ بويىنشا جۇمىستى جالعاستىرادى.

"The Qazaq Times"