فوتو: www.spacex.com

SpaceX كومپانياسى شىعارعان Starship زىمىرانىنىڭ ءتۇپ ۇلگىسى جەرگە قونعاننان كەيىن بىرنەشە مينۋتتان كەيىن جارىلدى.

بۇعان دەيىن تاسىعىش-زىمىرانداعى قوزعالتقىشتا اقاۋ تابىلعاننان كەيىن ۇشىرۋ ارەكەتى بىرنەشە ساعاتقا كەيىنگە شەگەرىلگەن بولاتىن. كەيىن زىمىران ۇشىرىلىپ، شامامەن 10 شاقىرىم بيىكتىككە كوتەرىلگەن. Starship SN10 (ياعني ونىنشى سەريالىق سىناق اپپاراتى) سۋبوربيتالدى رەيس جاسادى. زىمىران تەحاستاعى قونۋ الاڭىنا ءساتتى ورنىققاننان كەيىن جارىلعان.

بىلتىر مامىردا  اي مەن مارسقا ۇشۋعا ارنالعان Starship زىمىران ۇلگىسى تەحاستا بوكا-چيكا پوليگونىندا سىناق كەزىندە جارىلعان بولاتىن. سىناق NASA Spaceflight Youtube ارناسىندا تىكەلەي ەفيردە كورسەتىلگەن. زىمىران قوزعالتقىشىن سىناقتان وتكىزۋ كەزىندە جارىلىس بولعان. زىمىران تۇتاستاي ورتەنىپ كەتتى.

زىمىرانى اۆتورلارىنىڭ ايتۋىنشا، زىمىران تاسىعىش كوپ رەت قولدانۋعا شىداۋى كەرەك جانە وربيتاعا ءوزىنىڭ سالماعىن ەسەپتەمەگەندە 100 توننادان ارتىق جۇك تاسىمالداي الۋى ءتيىس. بىلتىر ميللياردەر، ونەر كوللەكتسيونەرى يۋساكۋ ماەدزاۆا وسى عارىش كەمەسىنىڭ العاشقى جولاۋشىسى بولاتىنى، عارىش ءتۋريسى رەتىندە ايدى اينالىپ شىعاتىنى حابارلانعان.

SpaceX نەگىزىن قالاۋشى يلون ماسك مارستا قالا سالۋدى ارماندايتىنىن ايتتى. ماسك وسىعان دەيىنگى سۇحباتىندا بۇل زىمىران 2026 جىلى مارسقا ادام جىبەرەتىنىن ايتتى.

"The Qazaq Times"