پارلامەنت سەناتىنىڭ جالپى وتىرىسىندا ءماجىلىس ماقۇلداعان «قازاقستان مەن ۋكراينا اراسىنداعى ەكستراديتسيالاۋ شارتىن راتيفيكاتسيالاۋ تۋرالى» زاڭ جوباسى قابىلداندى.

اتالعان زاڭ بىلتىر 29 ناۋرىزدا بەكىتىلگەن بولاتىن. ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى نۇرلان ءابدىروۆ: «شارتقا سايكەس تاراپتار ءبىر-بىرىنە ولاردىڭ اۋماعىندا جۇرگەن ىزدەستىرىلىپ جاتقان ادامداردى ۇستاپ بەرۋگە اكەلەتىن قىلمىستار ءۇشىن قىلمىستىق قۋدالاۋدى جۇزەگە اسىرۋ نەمەسە سوت ۇكىمىن ورىنداۋ ءۇشىن ۇستاپ بەرۋگە مىندەتتەنەدى. شارتتى راتيفيكاتسيالاۋ ەكى ەلدىڭ قىلمىسقا قارسى كۇرەستەگى ىنتىماقتاستىعىنىڭ تيىمدىلىگىن ارتتىرادى. كوميتەت زاڭ جوباسىن جۇمىسقا الۋعا جانە ول بويىنشا 2020 جىلعى 27 مامىرعا دەيىنگى مەرزىمدە قورىتىندى ازىرلەۋگە دايىن»، – دەپ مالىمدەدى.

"The Qazaq Times"