اقش پەن ۇلىبريتانيا Brexit كەلىسىمى جۇزەگە اسقاننان كەيىن ەركىن ساۋدا كەلىسىمى ارقىلى ەكىجاقتى قاتىناستى نىعايتپاق. بۇل تۋرالى Politico باسىلىمى حابارلادى.

وسى اپتادا اقش پرەزيدەنتى دونالد ترامپ ۇلىبريتانيا پرەمەر-ءمينيسترى بوريس دجونسونمەن تەلەفون ارقىلى ەكىجاقتى بايلانىستى تالقىلاعان. ەۋروپالىق وداق قۇرامىنان شىققان سوڭ، ەل ەكونوميكاسى السىرەيتىنىن ەسكەرگەر بوريس دجونسون اق ءۇي باسشىسىنان ەۋروپالىق كولىكتەرگە جانە بريتان تاۋارلارىنا باج سالىعىن ەنگىزبەۋدى وتىنگەن.

قازىرگى ۋاقىتتا ۇلىبريتانيا كەزەكتەن تىس پارلامەنتتىك سايلاۋ وتكىزۋگە قىزۋ دايىندىقتى باستاعان. اتالعان ساياسي شارا بيىل 12 جەلتوقساندا وتكىزىلۋى مۇمكىن. بريتانيا پرەمەر-ءمينيسترى بوريس دجوننىڭ ايتۋىنشا، ساياسي داعدارىستان الىپ شىعۋدىڭ بىردەن ءبىر جولى – مەرزىمىنەن بۇرىن پارلامەنتتىك سايلاۋ وتكىزۋ. سونىمەن قاتار، سايلاۋدان كەيىن بىرىككەن كورولدىكتىڭ ەۋروپالىق وداقپەن جانە سولتۇستىك يرلانديامەن شەكارا ماسەلەسى دە شەشىم تابادى.

ال Brexit بويىنشا كەلىسسوزدەردەگى ەو باس وكىلى ميشەل بارنە: «بريتانيا ماسەلەسىن شەشۋدى قولعا الدىق. مۇنىڭ سوڭى وداق قۇرامىنداعى وزگە دە دەموكراتيالىق ينستيتۋتتاردىڭ باسقارىلۋىنا قاتەر توندىرمەۋى كەرەك. ەگەر دە مەي ۇكىمەتى Brexit بويىنشا مەرزىمدى ۇزارتۋدى سۇراسا، مۇنى ەۋرووداققا مۇشە 27 ەلدىڭ باسشىسى بەكىتۋى ءتيىس»، – دەيدى.

"The Qazaq Times"