АҚШ бір жылдан кейін аяқталатын Париж климат келісімінен шығудың ресми процесін бастады. Бұл туралы Мемлекеттік хатшы Майкл Помпео мәлімдеді.

«Америка Құрама Штаттары бүгін Париж келісімінен шығу процесін бастады. Келісімнің шарттарына сәйкес, Уашингтон БҰҰ-ға шығу туралы ресми хабарлама жіберді. АҚШ президенті Дональд Трамп 2017 жылдың 1 маусымында келісімшарттан шығу туралы шешім қабылдады, өйткені ол америкалық жұмысшыларға, бизнеске және салық төлеушілерге мөлдір емес экономикалық міндеттемелер жүктеді», — делінген мәлімдемеде.

Помпео атап өткендей, АҚШ ғаламдық энергияны есепке алуды және барлық энергетикалық ресурстарды, тиімді технологияларды, минералды ресурстарды, атом энергиясын және жаңартылатын энергияны пайдалануды тиімді жүзеге асырып келеді. «Халықаралық пікірталастар аясында біз нақты нәтижелерге, инновацияларға және өркендеу үшін ашық нарықтардың көшбасшылығына негізделген нақты және прагматикалық модельді ұсынамыз», — деді Мемлекеттік хатшы.

Париж келісімі 2015 жылғы 12 желтоқсанда климаттың өзгеруі туралы негіздемелік конвенциядан кейін қабылданды. Келісім, атап айтқанда, парниктік газ зиянын азайтуды көздейді.

"The Qazaq Times"