وزبەكستان ۇلىبريتانيامەن كەلىسىمگە كەلدى

وزبەكستان ۇلىبريتانيامەن بىرقاتار ماڭىزدى قۇجاتتارعا قول قويدى، – دەپ حابارلايدى UzDaily.uz سايتى.

جاقىندا وزبەكستان رەسپۋبليكاسىنىڭ سىرتقى ىستەر ءمينيسترى ابدۋلازيز كاميلوۆ پەن ۇلىبريتانيانىڭ توتەنشە جانە وكىلەتتى ەلشىسى تيموتي تورلوت ەكى ەل جانە سولتۇستىك يرلانديا قۇراما كورولدىگى اراسىنداعى ارىپتەستىك پەن ىنتىماقتاستىق تۋرالى كەلىسىمگە قول قويدى.

وزبەكستان ءسىم مالىمەتتەرى بويىنشا، كەلىسىم كەشەندى سيپاتتاعى قۇجات سانالادى: قۇقىقتىق نەگىزدەردى ساقتاۋعا جانە تاراپتاردىڭ ساياسي، ساۋدا-ەكونوميكالىق، ونەركاسىپتىك، كولىك، اۋىل شارۋاشىلىعى، ەنەرگەتيكا، عىلىمي-تەحنيكالىق، قارجى جانە باسقا دا سالالارداعى ءوزارا قارىم-قاتىناستارىن دامىتۋعا باعىتتالعان.

حالىقارالىق قۇجات ۇلىبريتانيا ەۋروپالىق وداقتان شىققاننان كەيىن وزبەك-بريتان شارتتىق بايلانىسىنىڭ ۇزاقتىعىن قامتاماسىز ەتۋگە جانە بارلىق سالالاردا جان-جاقتى تاجىريبەلىك ءوزارا ءىس-قيمىلدىڭ ودان ءارى دامۋىنا ىقپال ەتەدى. اتالعان كەلىسىم تاراپتاردىڭ سوڭعى جازباشا حابارلاماسى الىنعان كۇننەن كەيىنگى ايدا كۇشىنە ەنەدى.

"The Qazaq Times"