تاياۋدا اقش پرەزيدەنتى دونالد ترامپتىڭ اسكەري كومەك بەرۋ جايلى مالىمدەمەسىندە قازاقستانعا «توقتالىپ وتكەنى» بەلگىلى بولدى. وسىعان بايلانىستى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ ترامپتىڭ پىكىرىنە قاتىستى تۇسىنىكتەمە بەرىپ، اق ءۇي باسشىسىنىڭ قاتەلەسكەنىن ايتتى.
بۇعان دەيىن «BusinessInsider» باسىلىمى اقش قورعانىس ءمينيسترىنىڭ بۇرىنعى سپيچرايتەرى گاي سنودگراسستىڭ «Holding the Line: Inside Trump ' s Pentagon with Secretary Mattis» كىتابىنان ءۇزىندى جاريالاعان. كىتاپتا دونالد ترامپتىڭ 2018 جىلدىڭ قاڭتارىندا شتاب باستىقتارى بىرىككەن كوميتەتىنىڭ پەنتاگوندا وتكىزگەن كەزدەسۋىندە ايتقان سوزدەرى كەلتىرىلگەن. ترامپ قارۋلى كۇشتەر وكىلدەرىمەن كەزدەسۋدە اسكەري شىعىندار بيۋدجەتىن تالقىلاعان. سنودگراسستىڭ مالىمەتتەرىنە سايكەس، قورعانىس ءمينيسترى دجەيمس مەتتيس ترامپ كونگرەسستەن وتكەن جىلدارداعى شىعىنداردىڭ تۇراقتى قىسقارۋىنا بايلانىستى قاتاڭ ەسكەرتۋ جاساي الادى دەدى. اۋعانستانداعى احۋال جايلى سۇراق قويعان ترامپ كەيىننەن: «ءبىز شىن مانىندە وزىمىزگە كومەكتەسپەيمىز... قازاقستان – وتە باي ەل. مەنىڭ سوڭعى ساپارىم كەزىندە ولار ماعان العىس جاۋدىردى. بىراق نەگە ولار بىزگە قارجى تولەمەيدى؟ نەگە ولار كۇرەسپەيدى؟»، – دەپ، اقش-تىڭ اسكەري كومەك بەرۋ كەزىندە ءجيى ۇتىلىپ قالاتىنىن ايتقان.
نەگىزىنەن ترامپ اۋعانستانداعى جاعدايدى تۇراقتاندىرۋ جونىندە مالىمدەمە جاساعان كەزدە، ەلدى قازاقستانمەن شاتاستىرىپ السا كەرەك-ءتى. ءسوزىمىزدى راستاعان قازاقستان ءسىم رەسمي وكىلى ايبەك سمادياروۆ ترامپتىڭ قازاقستانعا رەسمي ءىسساپارى بولماعانىن ەسكە سالدى.
بۇل جاعداي قۇراما شتاتتارى پرەزيدەنتىنىڭ بيلىگى كەزىندە العاش رەت ورىن الىپ وتىرعان جوق. 2017 جىلى افريكالىق ەلدەردىڭ كوشباسشىلارىمەن كەزدەسۋ كەزىندە ترامپ ءوز سوزىندە ەكى رەت ناميبيانى «نامبي» دەپ اتاسا، 2016 جىلى ارنايى ناۋقان كەزىندە ول تانزانيا اتاۋىنان جاڭىلىسىپ قالعان.
سونىمەن قاتار، كولۋمبيا پرەزيدەنتى حۋان مانۋەل سانتوسپەن كەزدەسۋ كەزىندە بويىنشا وتكەن ءباسپاسوز ءماسليحاتى كەزىندە دونالد ترامپ ەسىرتكى ترافيگىمەن كۇرەستىڭ ماڭىزدىلىعىن ايتا وتىرىپ، «كاكاو» مەن «كوكاين» سوزدەرىن شاتاستىردى. ال 2019 جىلدىڭ ناۋرىزىندا ترامپ «Apple» كومپانياسىنىڭ باسشىسىڭ ەسىمىن «تيم ەپپل» دەپ قاتەلەسكەن. ال رravda.com حابارلاۋىنشا، جاقىندا عانا ترامپ ۋكراينا باسشىسى ۆلاديمير زەلەنسكيدى رەسەي پرەزيدەنتى دەپ ايتىپ قالعان. رەسەيگە قاتىستى اڭگىمە بولعاندىقتان، مۇندا قانداي دا ءبىر ساياسي استار بولۋى ابدەن مۇمكىن نەمەسە بۇل اقش پرەزيدەنتىنىڭ «كەزەكتى شاتاسۋى».
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر