بۇگىن الماتى قالاسىنىڭ الەۋمەتتىك-ەكونوميكالىق دامۋىنا ارنالعان كەڭەستە جۇمىس ساپارىمەن وڭتۇستىك استاناعا كەلگەن مەملەكەت باسشىسى قاسىم-جومارت توقاەۆ «كوكجايلاۋ» اۋماعىنا كۋرورت سالىنبايتىنىن مالىمدەدى.
«بۇل تاقىرىپقا قايتا ورالا بەرمەس ءۇشىن ايتايىن، مەن كوكجايلاۋ ايماعىنا دەمالىس كەشەنىن سالۋعا تىيىم سالامىن. كەرەك ەمەس. ونىڭ ۇستىنە بۇل باستاماعا كاسىبي ەكولوگتار مەن قوعام بەلسەندىلەرى دە قارسى شىعىپ وتىر»، – دەدى پرەزيدەنت.
پرەزيدەنت وسىعان دەيىن بيىلعى ءساۋىر ايىندا دا سول كەزدەگى شاھار اكىمى باۋىرجان بايبەككە «كوكجايلاۋ» جوباسىنىڭ قۇرىلىسىن كەيىنگە قالدىرۋدى تاپسىرىپ ەدى.
«الماتى قالاسىنىڭ əكىمى ب.بايبەك ساراپشىلاردىڭ باعالاۋى مەن قالا تۇرعىندارىنىڭ پىكىرىن زەرتتەپ، زەردەلەۋ ءۇشىن «كوكجايلاۋ» تاۋ-شاڭعى كۋرورتىنىڭ جوباسىن كەيىنگە شەگەرۋدى ۇسىندى. مەنىڭ ۇسىنىسىم بويىنشا قابىلدانعان بۇل شەشىمدى قولدايمىن. مۇنداي ماڭىزدى ماسەلەدە اسىعىستىق تانىتۋعا بولمايدى»، – دەگەن بولاتىن توقاەۆ قوعام نارازىلىعى كۇشەيگەن تۇستا.
جۋىردا الماتى قالاسى اكىمىنىڭ ورىنباسارى ەرجان باباقۇماروۆ مەملەكەت باسشىسىنىڭ تاپسىرماسىنا سايكەس «كوكجايلاۋ» جوباسىنىڭ قۇرىلىسىنا بايلانىستى ءالى ناقتى ءبىر شەشىم قابىلدانباعانىن ايتقان ەدى.
كوكجايلاۋ تابيعي ايماعىنىڭ كورىنىسى. فوتو: اشىق دەرەككوز
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟