قازاقستان پرەزيدەنتى  قاسىم-جومارت توقاەۆ كەشە ءتيىستى مەكەمەلەرگە ماس كۇيىندە كولىك جۇرگىزۋشىلەر مەن مال ۇرلاعان ادامدارعا،  براكونەرلەرگە قاتىستى بىرقاتار تاپسىرمالار بەرگەنىن مالىمدەدى.

مەملەكەت باسىشىسى Twitter-دەگى پاراقشاسىنداعى جازبالارىندا:

  • «زاڭعا وزگەرتۋلەر ەنگىزۋدى تاپسىردىم: الكوگولدى ىشىمدىكتەردىڭ كەز-كەلگەن ءتۇرىن ىشكەن كۇيىندە كولىك جۇرگىزگەنى ءۇشىن، سونداي-اق مال ۇرلىعى ءۇشىن بەرىلەتىن جازانى قاتاڭداتۋ قاجەت».
  • «براكونەرلەر تابيعات بايلىعى – كيىكتەردى اۋلاۋدى توقتاتپاي وتىر. الماتى وبلىسىندا ۇقك قىزمەتكەرلەرى 3 مىڭعا جۋىق (!) كيىكتى ولتىرگەن قىلمىسكەرلەردى قۇرىقتادى. قاسكويلەر زاڭعا سايكەس قاتاڭ جازاعا تارتىلۋى ءتيىس. قۇقىق قورعاۋ ورگاندارى مۇنداي زاڭسىز ارەكەتتەرگە توقتاۋ سالۋى كەرەك».

№184 جارلىقتان تۋعان قوعامدىق داۋدان كەيىن توقاەۆتىڭ مۇنداي «بەلگىلەنگەن» ماسەلەلەرمەن اينالىسۋىن ساراپشىلار مەن ازاماتتىق قوعام تۇرلىشە ءتۇسىنىپ، قابىلداپ جاتىر.

"The Qazaq Times"