كەشە، 24 قىركۇيەك سىبايلاس جەمقورلىققا قارسى ءىس-قيمىل اگەنتتىگىندە توتەنشە جاعدايلار كوميتەتى جۇيەسىندەگى سىبايلاس جەمقورلىق فاكتىلەرىنە قاتىستى وتكەن ءباسپاسوز ءماسليحاتىندا اگەنتتىكتىڭ اعا تەرگەۋشىسى دانيار بيگايداروۆ بىرقاتار دەرەكتەرمەن ءبولىستى.
تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە ولاردى جويۋ، ءورت جانە ونەركاسىپتىك قاۋىپسىزدىك ماسەلەلەرى مەملەكەتتىك قاۋىپسىزدىك سالاسىنداعى باسىم باعىتتاردىڭ ءبىرى ەكەنى بەلگىلى.
2019 جىلدىڭ 9 ايىنىڭ قورىتىندىسى بويىنشا 10 152 تەحنوگەندىك سيپاتتاعى توتەنشە جاعداي ورىن العان. بۇل جالپى تج وقيعالارىنىڭ 88,6%-ىن قۇرايدى. ون مىڭنان استام اپاتتى جاعدايلاردىڭ سالدارىنان 1 390 ادام زارداپ شەگىپ، ونىڭ ىشىندە 426 ادام قازا بولعان.
تەحنوگەندىك سيپاتتاعى جاعدايلاردىڭ نەگىزگى ۇلەسى وندىرىستىك جانە تۇرمىستىق ورتتەرگە تيەسىلى، وسىلايشا كورسەتىلگەن كەزەڭدە 9 864 ءورت بولسا، كەلتىرگەن ماتەريالدىق زالال 2 ميلليارد 204 ميلليون تەڭگە كولەمىندە. ەڭ اۋىرى، جولىنداعىسىن جالاپ-جۇقتاعان ءتىلسىز جاۋدان 473 ادام زارداپ شەگىپ، 201 ادام قايتىس بولعان.
ۆەدومستۆو وكىلدەرى ازاماتتاردىڭ قاۋىپسىزدىگى، ءومىرى مەن دەنساۋلىعى ۋاكىلەتتى ورگان قىزمەتكەرلەرىنىڭ قىزمەتتىك مىندەتتەرىن ادال اتقارۋىنا، جاۋاپتىلىعىنا تاۋەلدى ەكەنىن ايتادى. جازدا بۇكىل ەلدى، بيلىك قۇرىلىمدارىن اياقتان تۇرعىزعان، ارىس حالقىن بىرنەشە ساعاتتا جالاڭ اياق شىلىڭگىر ىستىقتا بوسىتىپ جىبەرگەن اسكەري وق-ءدارى قويماسىنان شىققان جارىلىستى دا تەحنوگەندىك سيپاتتاعى توتەنشە جاعدايعا تەليتىندەر كوپ. ادام فاكتورىمەن، جاۋاپسىزدىقتان تۋعانىن ازىرگە كۇشتىك قۇرىلىمدار مەن قۇزىرلى مەكەمەلەر مويىنداي قويعان جوق.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى