كاناداداعى سايلاۋدا تريۋدو پارتياسى الدا كەلەدى

كانادانىڭ پرەمەر-ءمينيسترى دجاستين تريۋدو باستاعان ليبەرالدى پارتيا پارلامەنتتىك سايلاۋدا جەڭىسكە جەتتى، بىراق ەلدىڭ زاڭنامالىق ورگانىنىڭ تومەنگى پالاتاسىندا ياعني قاۋىمداستىقتار پالاتاسىندا كوپ داۋىس يەلەنگەن جوق. 

Reuters مالىمەتىنشە، ليبەرالدار ۇكىمەتىن جيناقتاۋ ءۇشىن 170 ماندات قاجەت. ۇلتتىق سايلاۋ كوميسسياسىنىڭ سوڭعى مالىمەتتەرىنە سايكەس، ليبەرالدارعا 338 سايلاۋ وكرۋگىنىڭ 156-ىندە سايلاۋشىلاردىڭ 33,0%-ى داۋىس بەردى. كونسەرۆاتيۆتى پارتيا 122 وكرۋگتە قولداۋ تاپتى (34,5%). ءۇشىنشى ورىندا 32 وكرۋگ بويىنشا باسىمدىققا يە بولعان «كۆەبەك بلوگى» (7,9%), ودان كەيىن جاڭا دەموكراتيالىق پارتيا (15,9%).

نەگىزىنەن كانادادا 27,4 ملن ادام داۋىس بەرۋ قۇقىعىنا يە. قازىرگى ۋاقىتتا 97% بيۋللەتەن وڭدەلگەن. بىراق وندا داۋىس بەرۋ كۇنى تىركەلگەن سايلاۋشىلار ەسكەرىلمەيدى.

كەزەكتى 43-ءشى پارلامەنتتىك سايلاۋعا داۋىس بەرۋ دۇيسەنبىدە مارەسىنە جەتكەن بولاتىن. سوڭعى سايلاۋ ۋچاسكەلەرى ەلدىڭ تىنىق مۇحيت جاعالاۋىنداعى جەرگىلىكتى ۋاقىت بويىنشا ءدال 19:00 جابىلدى. جەڭىسكە جەتكەن پارتيانىڭ كوشباسشىسى كانادانىڭ پرەمەر-ءمينيسترى مىندەتىن اتقارادى.

"The Qazaq Times"