رەسەي پرەزيدەنتى ۆلاديمير ءپۋتيننىڭ تۇركيا پرەزيدەنتى رەجەپ تايىپ ەردوعانمەن كەزدەسۋى 22 قازاندا سوچيدە وتەدى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ حابارلادى.
تاراپتار تۇركيانىڭ سۇرياداعى اسكەري وپەراتسياسىن تالقىلاپ، س-400 زىمىراندارى جونىندە كەلىسسوز جۇرگىزۋ جوسپارلاعان. وسىعان دەيىن ەردوعان: «س-400 زىمىران جۇيەسى تۇركياعا بەيبىتشىلىك جانە تۇراقتىلىق ورناتۋعا كومەكتەسەدى. ءبىزدىڭ تاراپىمىزدان قابىلدانىپ جاتقان شارالاردىڭ بارلىعى تۇركيا قورعانىسىن كۇشەيتۋگە باعىتتالعان. انكارانىڭ سوعىس اشۋ جوسپارى جوق»، – دەپ مالىمدەگەن بولاتىن.
2017 جىلى جەلتوقساندا تۇركيا رەسەيمەن س-400 زىمىران جۇيەسىن ساتىپ الۋعا بايلانىستى قۇنى 2,5 ميلليارد دوللاردى قۇرايتىن كەلىسىمگە كەلگەن. 12 شىلدەدە انكارا س-400 جۇيەسىنىڭ العاشقى لەگىن قابىلداپ العان.
ءپۋتيننىڭ تۇرىك كوشباسشىسىن كەزدەسۋگە شاقىرۋىنىڭ تاعى ءبىر سەبەبى – ءسۇريا داعدارىسى. 9 قازاندا تۇركيا ءسۇريانىڭ سولتۇستىگىندە «بەيبىتشىلىك قاينارى» اتالاتىن ارنايى وپەراتسيا باستاعان. تۇرىك اۆياتسياسى مەن ارتيللەرياسى كورشى ەل اۋماعىنداعى كۇرد جاساقتارىن سوققىعا الدى. اسكەري وپەراتسيانىڭ ماقساتى – لاڭكەستەرگە وڭتۇستىك شەكارادا ءدالىز قۇرۋعا جول بەرمەۋ.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى