فوتو: https://riataza.com

اقش ۆيتسە-پرەزيدەنتى مايك پەنس پەن مەملەكەتتىك  حاتشى مايك پومپەو شۇعىل كەلىسسوزدەر جۇرگىزۋ ماقساتىندا تۇركياعا اتتاندى. بۇل تۋرالى Reuters اگەنتتىگى حابارلادى.

ۋاشينگتون تارابى انكارانىڭ سۇرياداعى اسكەري وپەراتسياسىن تالقىلاماق. بىراق، تۇركيا پرەزيدەنتى رەجەپ تايىپ ەردوعاننىڭ اقش ديپلوماتتارىن قابىلداۋى ەكىتالاي دەيدى ساراپشىلار.

وتكەن اپتادا ەردوعان ەفرات وزەنىنەن شىعىسقا قاراي كۇرد لاڭكەستەرىنە قارسى وپەراتسيا جۇرگىزىلەتىنىن حابارلاعان بولاتىن. 9 قازاندا تۇركيانىڭ قارۋلى كۇشتەرى ءسۇريادا اسكەري وپەراتسيانى باستاپ كەتتى. تۇرىك اۆياتسياسى مەن ارتيللەرياسى كورشى ەل اۋماعىنداعى كۇرد جاساقتارىن سوققىعا الدى. اسكەري وپەراتسيانىڭ ماقساتى – لاڭكەستەرگە وڭتۇستىك شەكارادا ءدالىز قۇرۋعا جول بەرمەۋ. تۇركيا پرەزيدەنتى رەجەپ تايىپ ەردوعاننىڭ مالىمدەۋىنشە، سونىڭ ناتيجەسىندە ەكى ەل شەكاراسىندا قاۋىپسىز ايماق قۇرىلادى. جانە بۇعان دەيىن تۇركيانى پانالاعان سيريالىق بوسقىندار ءوز ۇيلەرىنە ورالاتىن بولادى. رەسمي انكارا بۇل ارقىلى شەكارالاس وڭىردە قاۋىپسىزدىك ايماعىن قۇرىپ، وندا سيريالىق بوسقىنداردى ورنالاستىرۋدى كوزدەپ وتىر.

"The Qazaq Times"